Մենք քիչ առաջ ԲՀԿ-ից գրություն ենք ստացել Քննիչ հանձնաժողով ձեւավորելու հետ կապված: Այս մասին, այսօր՝ հունիսի 17-ին, ԱԺ-ում լրագրողների հետ զրույցում նշեց ԱԺ «Լուսավոր հայաստան» խմբակցության ղեկավար Էդմոն Մարուքյանը՝ անդրադառնալով նրան, որ ԲՀԿ-ն կորոնավիրուսի կանխարգելման, դրա հետեւանքների վերացման աշխատանքների հանգամանքներն ուսումնասիրող քննիչ հանձնաժողովի ստեղծելու նախաձեռնւթյամբ է հանդես եկել:
«Քննիչ հանձնաժողովի ստեղծելու գաղափարը մեր կողմից շրջանառւթյան մեջ է դեռեւս մեկ ամիս առաջ, որից հետո խորհրդարանական ուժերին նման կոչ արել է Վանեցյանը, որ ստեղծեք հանձնաժողով: Դրանից հետո այսօր ԲՀԿ-ն նախաձեռնել է նման քննիչ հանձնաժողով ստեղծելու գործընթաց:
Երբ ես ասում էի, որ նման քննիչ հանձնաժողով ստեղծվի, ես դրա մեջ նաեւ ասել էի, որ պետք է դիտարկել նաեւ նպատակահարմարության հարցը, թե որքանով է նպատակահարմար այս մեծամասնության պայմաններում դա անել: Որովհետեւ ցանկացած հանձնաժողովում քաղաքական մեծամասնությունն ունի մեծամասնություն: Բայց ամեն դեպքում քանի որ դրա անհրաժեշտությունը գնալով մեծանում է, նաեւ ասել էինք, որ միգուցե մին քիչ էլ սպասենք, որ պանդեմիայի այս բարձր տեմպը նվազի, նոր սկսենք:
Իրականության մեջ մոնիտորինգն ունի երկու ձեւ. Կա պոստմոնիտորինգ, այսինքն, երբ ամեն ինչ ավարտվում է եւ դու հետ ես գնում, սկսում ես քուսումնասիրել, օրինակ ապրիլյան պատերազմը, եւ ընթացիկ մոնիտորինգ: Ասեմ, որ կորոնավիրուսի համաճարակի սկզբից ի վեր ԼՀԿ-ն իրականացնում է ընթացիկ մոնիտորինգ: Մենք իօրերով, ժամերով ունենք բոլորի հայտարարություններն ու արարքները: Հիմա եթե մենք նախաձեռնենք քննիչ հանձնաժողով, այն ձեւավորվելու է սեպտեմբերին: ԼՀԿ որոշումը հետեւյալն է՝ մեն քննիչ հանձնաժողովի ստեղծմանը կաջակցենք պայմանով, որ հանձնաժողովը ղեկավարի ԼՀԿ ներկայացուցիչը»,-հայտարարեց Մարուքյանը:
Նա պարզաբանեց դա հետեւյալ կերպ. «Նախ գաղափարը մերն է եղել, երկրորդ ՀՀ ԱԺ-ում կա երեք քննիչ հանձնաժողով, մեկը ղեկավարում է «Իմ քայլը» դաշինքը, իսկ մյուս երկու քննիչ հանձնաժողովները գլխավորում են ԲՀԿ-ի ներկայացուցիչները: Հետեւիաբար ճիշտ կլինի, որ հաջորդ քննիչ հանձնաժողովը գլխավորի «Լուսավոր Հայաստանը»: