Հանրային ծառայությունները կարգավորող հանձնաժողովն առաջիկայում կքննարկի եւ որոշում կընդունի գազի սակագնի վերաբերյալ, որը Հայաստանի սպառողների համար չի փոխվի: Այս մասին հունիսի 17-ին Ազգային ժողովի նիստում ՀԾԿՀ անդամ ընտրելու հարցի քննարկման ժամանակ ասաց պաշտոնի թեկնածու Կամո Սարգսյանը, ում ավելի վաղ առաջադրել էր վարչապետը:
Թեկնածուի խոսքով՝ սակագները կփոխվեն միայն բնական վառելանյութի խոշոր սպառողների եւ գյուղատնտեսական արտադրանքի վերամշակման օբյեկտների համար: Սարգսյանի կարծիքով՝ Հանձնաժողովի գործունեության կարեւորագույն ուղղություններից մեկը պետք է լինի երկրի գազափոխադրման համակարգում կորուստների հաշվարկի մեթոդաբանությունը:
«Ինչ վերաբերում է ջրի սակագներին, ապա մինչեւ 2031 թվականը դրանք պետք է նվազեն մեկ խորանարդ մետրի դիմաց մինչեւ 150 դրամ: Ջրային համակարգում կորուստները հասնում են ահռելի ցուցանիշների՝ ընդհուպ մինչեւ 35 տոկոսի: Բոլոր կողմերը շահագրգռված են դրանց կտրուկ նվազմամբ, իսկ դրա համար լուրջ ներդրումներ են անհրաժեշտ: Ներդրումների պատճառով սակագները որոշ ժամանակ կբարձրանան, իսկ այնուհետեւ կնվազեն խորանարդ մետրի դիմաց ընդհուպ մինչեւ 10 դրամ»,- նշեց թեկնածուն: