Բորդելներ այցելության նկարագրությամբ Վան Գոգի եւ Գոգենի նամակը աճուրդում վաճառվել է 210 600 եվրոյով, հաղորդում է Reuters-ը:
Նամակը գնել է Վինսենտ Վան Գոգի հիմնադրամը, որն այն կցուցադրի Ամստերդամի թանգարանում: Նկարիչները նամակը հղել են իրենց ֆրանսիացի գործընկեր Էմիլ Բեռնարին 1888 թվականի վերջին, երբ գտնվել են Ֆրանսիայի Առլե քաղաքում:
«Այժմ ձեզ հետաքրքրում է, թե ինչպես ենք մենք մի քանի այց կատարել պորդելները: Հավանաբար, մենք այստեղ հաճախ կգանք»,-ասվում է նամակում:
Նամակում Վան Գոգը Գոգենին անվանում է «չփչացած էակ վայրի գազանի բնազդով»:
Գոգենն ու Վան Գոգը Առլիում 2 ամիս են անցկացրել, սակայն նրանց հարաբերությունները վատթարացել են: Նա հեռացել է այն բանից հետո, երբ Վան Գոգը նյարդային խանգարման ժամանակ կտրել է ականջի մի մասը: