Թուրքիայի նախագահին կից խորհրդատվական բարձրագույն խորհուրդը քննարկել է Հայոց ցեղասպանությունն ու մեղադրել «հայկական լոբբիին»: Քննարկումները տեւել են 5 ժամ:
Անադոլու գործակալության հաղորդմամբ՝ քննարկումների արդյունքում նախագահի մամուլի խոսնակ Ֆահրեթին Ալթունը մեղադրել է «հայկական լոբբիին»:
Ալթունը նշել է, որ քննարկվել են համապարփակ քայլերը, որոնք «կանխելու են հայկական լոբբիին, որը Թուրքիային եւ թուրքերին սեւացնելու համար 1915-ի դեպքերը որպես գործիք է օգտագործում»:
Քննարկվել են նաեւ նախագծեր եւ միջոցառումներ, որոնք «հնարավորություն կտան բացահայտել հարցի պատմական եւ իրավական ասպեկտները»:
