News
Լրահոս
News
Շաբաթ
Օգոստոս 08
USD
485
EUR
573.17
RUB
6.58
ME-USD
0.02
Տեսնել լրահոսը

Թուրքիայի նախագահի կողմից Հայոց ցեղասպանության արդարացման եւ զոհերին վիրավորելու հայտարարությունները նորություն չեն եւ ատելության խոսքի դրսեւորումներ են, որոնք ազդեցությունն են ունենում այդ երկրում հայերի հանդեպ այլատյացության մթնոլորտի ամրապնդման վրա: Այս մասին նշեց ՀՀ արտաքին գործերի նախարարության մամուլի խոսնակ Աննա Նաղդալյանը` Թուրքիայի նախագահի աշխատակազմում Հայոց ցեղասպանության թեմայի արծարծման մասին «Արմենպրես»-ի հարցին ի պատասխան։

Հարցին՝ ինչպե՞ս կմեկնաբանեք այն փաստը, որ Թուրքիայի նախագահի աշխատակազմի բարձրագույն խորհրդատվական մարմինը նիստ է գումարել նախագահ Ռեջեփ Թայիփ Էրդողանի գլխավորությամբ, եւ պաշտոնական հաղորդագրության համաձայն` քննարկել այն գործողությունները, որոնք պետք է իրականացվեն ընդդեմ «1915թ. դեպքերի վերաբերյալ Թուրքիայի դեմ անհիմն պնդումների», Աննա Նաղդալյանը պատասխանել է․ «Թուրքիայի նախագահի կողմից Հայոց ցեղասպանության արդարացման եւ դրա զոհերին վիրավորելու հայտարարությունները նորություն չեն եւ իրենից ներկայացնում են ատելության խոսքի դրսեւորումներ, որոնք իրենց ազդեցությունն են ունենում այդ երկրում հայերի հանդեպ այլատյացության մթնոլորտի պահպանման եւ ամրապնդման վրա: Հայոց ցեղասպանության ճանաչման եւ դատապարտման հարցը հայ-թուրքական խնդիր չէ, դա Թուրքայի եւ միջազգային հանրության խնդիրն է:

Դա է վկայում Թուրքիայի բազմաթիվ հայտարարությունները եւ գործողությունները՝ այս կամ այն երկրի կողմից Հայոց ցեղասպանության ճանաչման վերաբերյալ: Մեզ եւ միջազգային հանրության համար Հայոց ցեղասպանությունը իրողություն է, որը նաեւ հիմք է ծառայել Ցեղասպանության դատապարտման եւ կանխարգելման 1948թ․ կոնվենցիայի մշակման եւ դրա հիման վրա ներկայումս ցեղասպանությունների եւ մարդկության դեմ հանցագործությունների կանխարգելման մեխանիզմների ներդրման համար: Ժխտողականությունը ապագա չունի, անկախ՝ ով եւ ինչպես կփաթեթավորի այն։ Որքան էլ Թուրքիայի իշխանությունները ջանքեր գործադրեն ճնշելու ճշմարտությունը, ամեն դեպքում ճշմարտությունը հարթել եւ հարթելու է իր ճանապարհը»։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ուկրաինայում քրեական գործեր է հարուցվել ԱԳՆ պաշտոնյայի` Հայոց ցեղասպանությունը չհիշատակելու կոչով նամակի կապակցությամբ
Դիվանագետն ուկրաինացի պաշտոնյաներին խնդրել էր զերծ մնալ Հայոց ցեղասպանության 105-րդ տարելիցի կապակցությամբ հիշատակի միջոցառումներին մասնակցությունից եւ այդ եզրույթի օգտագործումից...
Թուրք պրոֆեսորը ներկայացրել է Ցեղասպանությունից հետո Հալեպում պատսպարված հայերի պատմություններով իր գիրքը
Թուրք պրոֆեսոր Այհան Աքթարը 1915–ը թե բռնագաղթ թե Ցեղասպանություն է համարում...
Նուրհան Սոյկանի նշանակումը սադրանք է իրավական պետության նկատմամբ եւ պետք է չեղարկվի. Գերմանացի պատգամավոր
Հայոց ցեղասպանության վերաբերյալ Բունդեսթագի բանաձեւը քննադատած Նուրհան Սոյկանի նշանակման վերաբերյալ…
Ուղիղ 37 տարի առաջ 5 հայ երիտասարդներ մտան Լիսաբոնի թուրքական դեսպանատուն. Գործողությունից հետո նրանք պայթեցրին իրենց
Ամեն տարի այս օրը՝ Հայաստանում եւ աշխարհի տարբեր երկրներում բնակվող տասնյակ հազարավոր հայեր ոգեկոչում են զոհված տղաների հիշատակը…
Լիբանանից լրագրող Նշան Դեր-Հարությունյանը կկանգնի դատարանի առաջ Թուրքիայի նախագահին «վիրավորելու» համար․ ԶԼՄ-ներ
Ավելի ուշ իրավիճակին միջամտել է Թուրքիայի դեսպանատունը, որը կազմակերպել է բողոքի ցույց Al Jadeed հեռուստաալիքի շենքի մոտ․․․
«Վերջին հայկական գյուղը» Թուրքիայում արտացոլում է ցեղասպանությունից հետո պահպանած ժառանգությունը․ The Guardian
Վաղուց հասունացել է պահը, երբ Թուրքիան պետք է հատուցի անցյալի համար․ կառավարությունը դեռեւս հրաժարվում է խոստովանել 1915 թվականի իրադարձությունները որպես ցեղասպանություն, որի ժամանակ սպանվել է 1.5 միլիոն հայ․․․
Ամենաշատ