Ավստրալացի գիտնականները գտել են CO2-ը ժամանակակից արդյունաբերության համար «շինարարական աղյուսի» վերածելու միջոցը, գրում է Popmech-ը:
Ժամանակակից աշխարհում հետազոտությունների ամենահեռանկարային ոլորտներից մեկը դարձել է նոր տեխնոլոգիաների մշակումը, որոնք կարող են որսալ ածխաթթու գազն ու այն օգտակար նյութերի վերածել:
Նոր Հարավային Ուելսի համալսարանից թիմը նախ մտադիր է եղել ածխաթթու գազն օգտագործել որպես ավելի էկոլոգիական եւ էժան հումքի աղբյուր սինթեզ գազի համար: Սովորաբար այն արտադրվում է բնական հումքի օգտագործմամբ, բավական ունիվերսալ է եւ այդ պատճառով կարող է օգտագործվել տարբեր տեսակի վառելիքի եւ նյութերի արտադրման համար: Շնորհիվ CO2-ի՝ գիտնականները հույս են ունեցել վնասակար թափոնները վերածել օգտակար արտադրանքի:
Նրան մեթոդը հիմնված է ցինկի օքսիդի նանոմասնիկների վրա, որոնք համարվում են կատալիզատոր բարդ քիմիական ռեակցիայի համար:
Բաց կրակի ազդեցության շնորհիվ, որի ջերմաստիճանը կազմում է 2000 աստիճան, նանոմասնիկները խառնվում են CO2-ի հետ էլոկտրալուծման ներսում: Արդյունքում ածխաթթու գազը վերածվում է սինթեզ գազի:
Գիտնականների խոսքով՝ այդ մեթոդն ամենաարդյունավետն է եւ կարող է համակցվել արդյունաբերական գործունեության այլ տեսակների հետ: Նրանց կարծիքով՝ իդեալական է իրավիճակը, երբ ամբողջ CO2-ն վերածվում է սինթեզ գազի՝ այդպիսով նվազեցնելով շրջակա միջավայրի վրա վնասակար ազդեցությունը: