Կանդայում առեւանգված 40 մեքենա է գտնվել Իտալիայի նավահանգիստներից մեկում կոնտեյներներում: Toronto Star-ի տվյալներով՝ մեքենաները ծովային ճանապարհով տեղափոխվել են այլ մայրցամաք, որից հետո պետք է մատակարարվեին Թուրքիա եւ Լիբիա հետագա վաճառքի համար, հաղորդում է Motor-ը:
Հետաքննության ընթացքում հայտնաբերվել են թանկարժեք մոդելներ, այդ թվում՝ Chevrolet Camaro, Lexus, Mercede-Benz, Land Rover եւ BMW:
Ոստիկանությունը գնահատել է առեւանգված տասնյակ մեքենաների գինը՝ 1,5 մլն դոլար: Տրանսպորտային բոլոր միջոցները վերադարձվել են Կանադա:
Իտալական ԶԼՄ-ների տեղեկություններով՝ 40 ավտոմեքենաներն անօրինական ներկրման միայն մի մասն էին: Վերջին շրջանում հայտնաբերվել է կասկածելի անցյալով մոտ 100 մեքենա:
