Հայաստանի Ազգային ժողովը հունիսի 22-ի արտահերթ նիստում երկրորդ եւ վերջնական ընթերցմամբ կողմ քվեարկեց «Ազգային ժողովի կանոնակարգի մասին» օրենքում եւ հարակից օրենքներում փոփոխություններ կատարելու նախագծերի փաթեթին:
Նախագծերի այս փաթեթը ներկայացրեց «Իմ քայլը» խմբակցության պատգամավոր Վահագն Հովակիմյանը, ով, մասնավորապես, առաջարկեց բացառել նոր նախագծի հանձնումը նախագահին, ով պետք է 21 օրում ստորագրեր այն։
Այսպիսով, այս օրենքի ուժի մեջ մտնելու որոշումը միայն կբարձրաձայնվի խորհրդարանի խոսնակի կողմից։
Իր հերթին, ԱԺ նախագահ Արարատ Միրզոյանը նկատեց, որ այս հարցը մանրամասն քննարկվել է ինչպես նախագահ Արմեն Սարգսյանի, այնպես էլ նրա աշխատակազմի հետ։
«Ավելին, հենց նրանք են մատնանշել օրենսդրական բացը եւ առաջարկել շտկել այն, հստակ կարգավորում մտցնել, ինչը անում ենք»,- ընդգծեց ԱԺ խոսնակը:
Փաստացի «Իմ քայլը» միանձնյա ընդունեց օրենսդրական նախագիծը՝ անտեսելով այդ թվում Վենետիկի հանձնաժողովի կարծիքը։ Խորհրդարանի մյուս երկու խմբակցությունները՝ «Բարգավաճ Հայաստանը» եւ «Լուսավոր Հայաստանը» քվեարկությանը չմասնակցեցին։ Ավելին, ԲՀ-ն ՍԴ դիմելու ստորագրահավաք նախաձեռնեց։
