Կորոնավիրուսի անկումից հետո զբոսաշրջիկները պետք է զգուշավորությամբ ծրագրավորեն արտասահմանյան արձակուրդը, քանի որ հիվանդության տարածման հետ կապված սահմանափակումների սահմանումն ու հանումն անկանխատեսելի է: Այսպիսի կարծիք է հայտնել ճանապարհորդությունների ոլորտի փորձագետ Սայմոն Քոլդերը, հայտնում է Daily Express-ը:
Նրա խոսքով՝ ուղեւորությունների ամրագրման իրական վտանգավորությունն այն է, որ այս կամ այն երկրի իշխանությունները կարող են ցանկացած պահի հայտարարել ժամանողների համար պարտադիր կարանտինի մասին կամ ընդհանրապես արգելել որոշ պետությունների քաղաքացիների մուտքը: Ավելին՝ եթե ճանապարհորդը հրաժարվի թռիչքից, ավիաընկերությունը հազիվ թե նրան վերադարձնի ծախսած միջոցները:
Քոլդերի կարծիքով՝ ստեղծված իրադրությունում շատ ավելի անվտանգ է փաթեթային տուր ձեռք բերել մասնագիտացված ընկերություններից եւ գործակալություններից: «Դուք այդ կերպ գոնե համոզված կլինեք, որ կա՛մ ուղեւորություն կստանաք, կա՛մ ձեր փողը կվերադարձնեք»,- պարզաբանել է փորձագետը: