Դատախազությունը չի ստացել Ռոբերտ Քոչարյանի գործով Վերաքննիչ դատարանի որոշումը՝ կապված գրավի դիմաց նրա ազատ արձակման հետ: Այս մասին լրագրողներին հայտնեց գործով դատախազ Գեւորգ Բաղդասարյանը:
«Հենց ստանանք որոշումը, բողոք կպատրաստենք եւ կներկայացնենք Վճռաբեկ դատարան»,-ասաց դատախազը:
Պատասխանելով հարցին, թե կարող է արդյոք պրոցեսն այլ ուղղության ստանալ՝ հաշվի առնելով տուժածների ի հայտ գալը, դատախազը կարծիք հայտնեց, որ նման տուժածների ի հայտ գալը կարող է խոսել քննությանը խոչընդոտելու մասին:
