ՀՀ երկրորդ նախագահ Ռոբերտ Քոչարյանի եւ մյուսների գործով դատախազ Գևորգ Բաղդասարյանը պնդում է Քրեական օրենսգրքի 300.1 հոդվածի սահմանադրականությունը:
Լրագրողների հետ հարցազրույցում նա ասաց, որ ՍԴ-ն հոդվածը Սահմանադրությանը չհամապատասխանող ճանաչելու որեւէ հիմք չունի` ոչ դատախազության, ոչ ՄԻԵԴ-ի եւ Վենետիկի հանձնաժողովի դիրքորոշումների հիման վրա: «Հիմք չկա պնդելու, որ հոդվածի դրույթներն իրավական անորոշություն են կրում»,- ասաց դատախազը:
Հարցին՝ արդյո՞ք իրավիճակը քաղաքական բնույթ է կրում, դատախազն ասաց, որ ինքը գնահատական չի տա քաղաքականության մասով, եւ այն ամենը, ինչ ինքն ակնկալում է ՍԴ-ից որպես փաստաբան, մասնագիտական մոտեցումն է: «Իմ պատկերացմամբ՝ վիճարկվող նորմերը համապատասխանում են սահմանադրությանը»,- ասաց դատախազը:
Սահմանադրական դատարանը նախօրեին որոշում էր կայացրել հուլիսի 7-ին սկսել քրեական օրենսգրքի 300.1-րդ հոդվածի սահմանադրականության վերաբերյալ Ռոբերտ Քոչարյանի բողոքը: Ավելի վաղ ամանման դիմում էր ներկայացվել ընդհանուր իրավասության դատարանի կողմից: Բողոքներն ընդունվել են մեկ վարույթի մեջ:
Նախօրեին ՀՀ ԱԺ-ն նախագիծ էր ընդունել սահմանադրական փոփոխությունների վերաբերյալ, որոնք փոփոխություններ են նախատեսում Սահմանադրական դատարանի կազմում, ինչպես նաեւ՝ մի քանի դատավորների հրաժարական եւ նախագահի փոփոխությունը: