Միկրոսկոպի համաստեղությունում կարմիր գաճաճի մոտ աստղագետները հայտնաբերել են նորածին մոլորակ, որը չափերով եւ հատկություններով նման է Նեպտունին: Սա այս տեսակի առաջին հայտնի մոլորակն է Երկրի անմիջական հարեւանությամբ, հայտնում է ՏԱՍՍ-ը:
Նրանց աշխատանքի նկարագրությունը հրապարակել է Nature ամսագիրը:
AU Microscopii աստղը գիտնականների ուշադրությունը սկսել է գրավել 2003-ին, երբ աստղագետները ստացան այս օբյեկտի առաջին լուսանկարները եւ հայտնաբերեցին, որ այն նորածին աստղ է, որը գտնվում է Երկրի մերձակայքում՝ մոտ 32 լուսային տարվա հեռավորությամբ: Դրա նկատմամբ հետաքրքրությունը պայմանավորված է նրանով, որ այս նորածին կարմիր գաճաճը դեռ շրջապատված է գազի եւ փոշու սկավառակով, որը դեպի մեզ շրջված է «պրոֆիլով»:
Նման դիրքը թույլ է տալիս հետեւել, թե ինչպես է փոխվում դրա ձեւը ժամանակի ընթացքում, ինչպես նաեւ որոշել դրա մեջ նյութի շարժման բնույթը: AU Microscopii-ի մակերեւույթին մեծ քանակությամբ բռնկումները եւ բծերը, ինչպես նշում են գիտնականները, թույլ չեն տվել աստղագետներին նրա հարեւանությամբ մոլորակների հետքեր փնտրել: Նրանք հենվում են այն փաստի վրա, որ մոլորակների անցումը աստղերի սկավառակի միջոցով ժամանակավորապես նվազեցնում է դրանց պայծառությունը կանխատեսելի եղանակով, ինչը լավ է աշխատում արեւանման աստղերում էկզոաշխարհների որոնման համար, բայց կեղծ տեղեկատվություն է տրամադրում կարմիր գաճաճների ուսումնասիրության ժամանակ։
Մասնավորապես, պարզվել է, որ այս մոլորակը դասվում է, այսպես կոչված, «տաք նեպտունների» թվին, որոնք իրենց չափերով եւ հատկություններով նման են Արեգակնային համակարգում համանուն գազային հսկային, սակայն ն շատ ավելի մոտ են գտնվում իրենց աստղերին:
