Համացանցի «մութ» սեգմենտի ֆորումներից մեկում (այսպես կոչված դարքնեթ) տվյալների բազա է հրապարակվել, որը ներառում են Telegram Messenger-ի միլիոնավոր օգտատերերի անձնական տվյալները: Բազան, ինչպես գրում է «Դուրովի կոդը», թույլ է տալիս ճանաչել հեռախոսահամարները տելեգրամյան նիքերով:
Telegram-ի օգտատերերի ճշգրիտ թիվը, որոնց տվյալները հայտնվել են բազայում, չի հաղորդվում: Սակայն հայտնի է, որ դարքնեթում հայտնված տվյալների բազան մոտ 900 մեգաբայթ է կշռում: Տվյալների բազայի յոթանասուն տոկոսն Իրանից է, մնացած երեսուն տոկոսը՝ Ռուսաստանի Դաշնությունից, գրում է Planet Today-ը:
Telegram մեսենջերի պաշտոնական ներկայացուցիչները նշել են, որ տեղյակ են բազայի գոյության մասին: Դրանում պարունակող տվյալները հավաքագրվել էին կոնտակտների ներմուծման գործառույթի միջոցով, որն առկա է հավելվածում:
Telegram-ի մշակողները նշում են, որ տվյալների բազայում ներկայացված տվյալներն արդեն կորցրել են իրենց արդիականությունը, քանի որ անցյալ տարի մեսենջերում հայտնվել է հեռախոսահամարը թաքցնելու գործառույթը: