ԵՄ-ն եւ Հունաստանը պետք է դադարեցնեն փախստականների իրավունքների ոտնահարումը եւ կատարեն իրենց պարտականություններն այս ոլորտում՝ Թուրքիային քննադատելու փոխարեն, ասել է Թուրքիայի արտգործնախարարության խոսնակ Համի Աքսոյը՝ ի պատասխան Հունաստանի արտաքին գործերի նախարար Նիկոս Դենդիասի հայտարարություններին, փոխանցում է «ՌԻԱ Նովոստի»-ն:
Ավելի վաղ Դենդիասը հայտարարել էր, որ Թուրքիան խաթարում է անվտանգությունն ու կայունությունը Արեւելյան միջերկրածովյան տարածաշրջանում, խախտում է Լիբիայի, Սիրիայի, Իրաքի եւ Կիպրոսի ինքնիշխանությունը: Այս հայտարարությունը նա արել է ԵՄ արտաքին քաղաքականության եւ անվտանգության հարցերով գերագույն հանձնակատար Խոսեպ Բորելի հետ միասին Թուրքիայի հետ սահմանին գտնվող Էվրոսի շրջանի Կաստանիես քաղաք այցի ավարտից հետո: Դենդիասը նշել է, որ Թուրքիան ակտիվորեն ներգաղթյալների էի ուղարկում այստեղ, որպեսզի նրանք հատեն սահմանը, սակայն «շանտաժի փորձը ձախողվել է»:
«Դենդիասի հայտարարությունները ԵՄ-ի քողի տակ Հունաստանում փախստականների դեմ հանցագործությունները կոծկելու նոր փորձ է: ԵՄ անդամները պարտավոր են պաշտպանել փախստականների իրավունքները: Մենք հրավիրում ենք ԵՄ-ին եւ Հունաստանին կատարել իրենց պարտականությունները՝ մեր երկրին մեղադրելու փոխարեն»,- նշվում է Աքսոյայի հայտարարության մեջ:
Նա ամբողջությամբ իրականությունից կտրված է անվանել Հունաստանի նախարարի հայտարարությունները Էգեյան ծովում եւ Արևելյան միջերկրածովյան տարածաշրջանում Թուրքիայի գործողությունների վերաբերյալ: «Ժամանակն է, որպեսզի Հունաստանը եւ Կիպրոսն ազատվեն Թուրքիային իր իսկ ափերի մեջ մեկուսացնելու պատրանքներից եւ հավատան, որ դա համահունչ է միջազգային իրավունքին: Հունաստանը չի շահի ԵՄ-ի ներգրավմամբ Թուրքիայի դեմ թշնամական դաշինքների ստեղծումից: Այն պետք է հարգի Թուրքիայի օրինական իրավունքները եւ առկա խնդիրները լուծի բանակցությունների միջոցով»,- հավելել է Աքսոյը: