Ավստրիայի մայրաքաղաք Վիեննայում թուրքերի եւ քրդերի միջեւ անկարգությունների ժամանակ 2 ոստիկան է տուժել, հաղորդում է ՏԱՍՍ-ը:
Կանանց իրավունքների համար քրդերի կազմակերպած խաղաղ ցույցի ժամանակ թուրքական երիտասարդությունն ի պատասխան սկսել է «Գորշ գայլեր» խմբավորման ժեստեր ցույց տալ եւ վիրավորանքներ հնչեցնել: Դրանից հետո քրդերի եւ թուրքերի միջեւ անկարգություններ են սկսվել:
Անկարգությունների կադրերը հայտնվել են համացանցում եւ տեղական ԶԼՄ-ներում:
Ոստիկանության տվյալներով՝ ցույցին մասնակցել է մոտ 300 մարդ:
Թուրքերն ու քրդերը միմյանց ուղղությամբ քարեր, շշեր եւ այլ իրեր են նետել:
Ոստիկաններից մեկը ձեռքի կոտրվածք է ստացել, մյուսը՝ հեմատոմա:
Բախումների արդյունքում մի քանի մարդ է ձերբակալվել, նրանց նկատմամբ քրեական եւ վարչական գործեր են հարուցվել:
Վիեննայի ոստիկանությունը զգուշացրել է, որ մոտ օրերսում այլ հանրահավաքներ են ծրագրվում: «Ավստրիայի փողոցներում կոնֆլիկտներն անընդունելի են: Ոստիկանությունը վճռականորեն կդիմակայի ծայրահեղական խմբերի գործողություններին»,-ասվոմ է ոստիկանության հայտարարության մեջ:
