Համարում եմ, որ ՍԴ դիմելու համար 26 ստորագրությունը բավարար է, եւ ցանկանում բանավիճել մարդկանց հետ, որոնք շփոթում են երկրաչափությունը թվաբանության հետ, կամ, հետապնդելով ինչ-որ նպատակներ, չեն ցանկանում խորանալ ասվածի իմաստի մեջ: Այդ մասին NEWS.am-ի թղթակցի հետ զրույցում հայտարարել է Հայաստանի առաջին օմբուդսմեն Լարիսա Ալավերդյանը՝ մեկնաբանելով որոշ պաշտոնյաների հայտարարությունները այն հարցի շուրջ, թե քանի ստորագրություն է բավարար Սահմանադրական դատարան դիմում ներկայացնելու համար:
Ավելի վաղ հաղորդվում էր, որ «բարգավաճ Հայաստան» կուսակցությունը դիմում է ներկայացրել ՍԴ սահմանադրական փոփոխություններն ընդունելու կապակցությամբ: Ըստ օրենքի՝ դիմում ներկայացնելու համար անհրաժեշտ է պատգամավորների ձայների մեկ հինգերորդը: Պատգամավորների ընդհանուր թիվը կազմում է 132, համապատասխանաբար՝ դրա մեկ հինգերորդը 26,4 տոկոս է, որը կլորացման դեպքում կազմում է 26: Սակայն արդեն երկար ժամանակ է Իմ Քայլի պատգամավորները հնչեցնում են 27 թիվը՝ որպես մեկ հինգերորդ մասի կլորացման արդյունք:
Այդ հարցի շուրջ իր արժեքավոր կարծիքն է հայտնել առողջապահության նախարար Արսեն Թորոսյանը՝ ֆեյսբուքյան իր էջում կոչ անելով «Բարգավաճ Հայաստանի» ներկայացուցիչներին թարմացնել գիտելիքները … երկրաչափության մեջ:
«Այսպես, ՍԴ-ն գործ ունի 26 ստորագրությունների հետ, ինչը կազմում է, ինչպես նշել է պատգամավոր Թանդիլյանը, 19.7 տոկոս: Պակասում է 0.3 տոկոս, սակայն մարդկանց դեպքում այդպես չեն հաշվում, այլ կլորացնում են: Թվաբանության կանոններով՝ 19.7 տոկոսը կլորացվում եւ դառնում է 20 տոկոս: Ինչ վերաբերում է 26.4 տոկոսին, թվաբանության, ոչ թե երկրաչափության կանոններով, եւ քանի որ ինչպես արդեն նշվել է, որ մարդկանց դեպքում թիվը կլորացվում է, ստացվում է 26: Այդկերպ, փորձում են քաղաքականացեն մաթեմատիկայի ամենաանմեղ մասը՝ թվաբանությունը: Ես կոչ եմ անում ՍԴ-ին խելամիտ գտնվել եւ չքաղաքականացնել թվաբանությունը»,-ընդգծել է Լարիսա Ալավերդյանը:
Մյուս կողմից հետաքրքիր է, շարունակեց առաջին օմբուդսմենը, թե ինչու հանձնաժողովի 5 անդամներին, ինչը 11 հոգանոց կազմի կեսից քիչ է, որոշվեց կես համարել: Այսինքն՝ 5 հաշվեցին որպես 5,5, կլորացրեցին 6 եւ ստացան քվորում: Սակայն այդ դեպքում ներկաները պետք է լինեին առնվազն 6-ը: «Եթե արձանագրային բաժինը համարում է, որ դա թույլատրելի է, սակայն չի ճանաչում այլ դեպքերում սովորական թվաբանական կանոնները, ապա խոսքը քաղաքական նախապատվությունների մասին է: Երբ խոսքը խոսքը մարդու մասին է, պետք է կլորացնել մինչեւ մեկ ամբողջականը: Այդ պատճառով Թորոսյանը չի կարող ասել, որ պետք է 27, իսկ ես կարող եմ ասել, որ բավական է 26 ստորագրություն»,-եզրափակեց Ալավերդյանը: