Անապատային մորեխները գրոհել են Հնդկաստանի Հարյանա նահանգի երկրորդ խոշոր քաղաքը` Գուրգաոնը, որը գտնվում է երկրի մայրաքաղաք Նյու Դելիի մոտ, հայտնում է Reuters-ը:
Դելիի միջազգային օդանավակայանը, որը սահմանակից է Գուրգաոնին, միջատների գրոհի պատճառով օդաչուներին խնդրել է հատուկ նախազգուշական միջոցներ ձեռնարկել թռչելիս եւ վայրէջք կատարելիս:
Նշվում է, որ քաղաքն առաջին անգամ է ենթարկվում անապատային մորեխների գրոհի: Նախկինում դրանից հիմնականում տուժում էին Գուջարաթ եւ Ռաջաստան նահանգների գյուղերը, որոնք սահմանակից են Պակիստանի անապատներին:
