Սինգապուրի իշխանությունները հայտարարել են հուլիսի 1-ից առավել հայտնի թանգարանների, զվարճանքի այգիների, կենդանաբանական այգիների, ինչպես նաեւ կազինոյի բացման մասին, որոնք փակ էին երեք ամիս շարունակ կորոնավիրուսի համավարակի պատճառով։ Այդ մասին ասվում է Զբոսաշրջության հարցերով խորհրդի տարածած հայտարարության մեջ, հաղորդում է ՏԱՍՍ-ը։
«Հուլիսի 1-ից կվերականգնեն 13 օբյեկտների գործունեությունը, որոնցից են թռչունների այգին, կենդանաբանական այգին, գետի սաֆարին, Գիտատեխնիկական թանգարանը, Universal Studios թեմատիկ այգին»,-նշվում է հայտարարության մեջ։ Բացի այդ, մասնակիորեն կսկսեն աշխատել երկու կազինոներ։ Մնացած կազմակերպություններում պետք է գտնվեն առավելագույնը 25 տոկոս այցելուներ, նշվում է հաղորդագրության մեջ։
Ապրիլի 7-ին Սինգապուրում ընդունված սոցիալ-տնտեսական սահմանափակումների առաջին փուլը մեկնարկել է հունիսի 9-ին։ Այդ ժամանակ բացվել էին այգիները, լողափերը, խանութների մեծամասնությունը, ռեստորաններն ու սրճարանները։ Մինչդեռ երկրում դեռեւս պահպանվում են պաշտպանիչ դիմակներ կրելու պահանջները, այդ թվում՝ դպրոցներում եւ մանկապարտեզներում, ինչպես նաեւ սոցիալական հեռավորության պահպանումը։ Երկրում գործում են տուգանքներ․ առաջին խախտման համար՝ 211 ԱՄՆ դոլարց, երկրորդ անգամ խախտման դիմաց՝ 705 ԱՄՆ դոլար, իսկ հաջորդող խախտումների համար՝ ազատազրկում եւ տուգանք 7 հազար ԱՄՆ դոլար, իսկ օտարերկրացիները կարտաքսվեն։