Եգիպտոսի իշխանություններն աստիճանաբար բացում են քաղաքներն ու հնագիտական օբյեկտները զբոսաշրջիկների համար, ՌԻԱ Նովոստի-ին հայտնել է Եգիպտոսի հնությունների եւ զբոսաշրջության հարցերով նախարար Հալեդ ալ Անանին։
«Անցած շաբաթ մենք բացել ենք Հուրգադայի եւ Շարմ էլ Շեյխի թանգարանները, իսկ ընթացիկ շաբաթվա մեջ՝ Մերս Մատրոխայում եւ Ալեքսանդրիայում օբյեկտները։ Հուլիսի 1-ից կբացվեն օբյեկտները Լուքսորում եւ Ասուանում։ Աստիճանաբար կբացվեն նաեւ մյուս օգյեկտները»,-հայտարարել է ալ Անանին։
«Այժմ մենք բացում ենք հնագիտական օբյեկտները, որպեսզի աշխատակիցները կարողանան սովորել ընդունել հաճախորդներ այս նոր պայմաններում»,-ընդգծել է նախարարը։
Ավելի վաղ երկրի իշխանությունները հայտարարել էին միջազգային ավիահաղորդակցությունն աստիճանաբար բացելու մասին հուլիսի 1-ից։ Հայտարարվել էր նաեւ տեղական հանգստյան գոտիներ ժամանող զբոսաշրջիկների համար վիզաները չեղարկելու մասին ընդհուպ մինչեւ հոկտեմբերի 31-ը․ նրանց համար բաց կլինեն միայն երեք հանգստյան նահանգներ՝ Կարմիր ծովը, որտեղ գտնվում է Հուրգադա հանգստավայրը, Հարավային Սինայը, որտեղ Շարմ էլ Շեյխն է եւ Դահաբը, ինչպես նաեւ Միջերկրական ծովում գտնվող Մատրուխ նահանգը։
