News
Լրահոս
News
Երեքշաբթի
Օգոստոս 11
USD
485.23
EUR
570.68
RUB
6.59
ME-USD
0.02
Տեսնել լրահոսը

Հունիսի 29-ից Ռուսաստանը հրաժարվում է Եվրասիական տնտեսական միության տարածքից փայտի եւ փայտից արտադրանքի արտահանման ժամանակավոր մաքսային հայտարարագրերից, հայտնում է ՌԴ փոխվարչապետ Վիկտորյա Աբրամչենկոյի աշխատակազմը, փոխանցում է ՏԱՍՍ-ը:

«Ուժի մեջ է մտել կառավարության № 721 որոշումը փայտի ժամանակավոր մաքսային հայտարարագրման չեղարկման մասին: Որոշման իրականացումը թույլ չի տալիս թաքցնել երկրից փայտանյութի իրական արտահանման ծավալները»,- ընդգծվում է հաղորդագրության մեջ:

Որոշումն առնչվում է ԵՏՄ տարածքից ապրանքների արտահանմանը, որոնք դասվում են ԵՏՄ արտաքին տնտեսական գործունության միասնական Ապրանքային անվանակարգի 44 խմբին (փայտ եւ փայտից պատրաստված իրեր):

Այսպիսով, չի կարելի ժամանակավոր մաքսային հայտարարագիր հանձնել այն դեպքում, եթե ԵՏՄ-ից արտահանման դեպքում առանձին ապրանքների վերաբերյալ չեն կարող ներկայացվել դրանց քանակի կամ մաքսային արժեքի մասին ճշգրիտ տեղեկություններ:

Ինչպես ընդգծել են Աբրամչենկոյի աշխատակազմում, օրենսդրության նորմերի իրավակիրառման պրակտիկան ցույց է տալիս, որ առանց փաստացի վերահսկման անցկացման՝ մաքսային մարմիններին դժվար է որոշել տարբեր ժամանակաշրջանում առանձին խմբաքանակներով արտահանվող ապրանքների ճշգրիտ քանակը:

Հայտարարագրվածի ծավալի անհամապատասխանության փաստերի բացահայտման դեպքում հայտարարագրողը հնարավորություն ուներ ուղղել արտահանման ծավաը հետագա խմբաքանակների հաշվին եւ խուսափել պատասխանատվության ենթարկվելուց: Կառավարության որոշմամբ այդ իրավական խոչընդոտը վերացվում է, ապահովվում է արտահանվող փայտանյութերի ծավալների հայտարարագրման թափանցիկ համակարգ եւ համապատասխան մաքսատուրքերի ամբողջ ծավալով վճարում, նշվում է հաղորդագրության մեջ:

«Կառավարության որոշումը փայտանյութի շրջանառության նկատմամբ վերահսկողություն ապահովելու մի շարք միջոցառումների բաղկացուցիչներից մեկն է: Մենք հետեւողական աշխատանքներ ենք իրականացնում շուկան սպիտակեցնելու ուղղությամբ՝ քայլ առ քայլ վերացնելով այն իրավական բացերը, որոնք հարաբերությունների ոչ թափանցիկ համակարգ են ստեղծում անտառային համալիրի ներսում: Որոշման իրականացումը թույլ չի տա հետագայում օգտագործել ժամանակավոր հայտարարագրումը եւ դրա հետագա ճշգրտումը՝ երկրից արտահանվող փայտանյութերի իրական ծավալը թաքցնելու համար»,- ասել է Աբրամչենկոն, որի խոսքերը մեջբերվում են հաղորդագրության մեջ:

Որոշումը ստորագրվել է վարչապետ Միխայիլ Միշուստինի կողմից 2020 թվականի մայիսի 21-ին:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ռուսաստանի եւ Հայաստանի երկկողմ նախագիծը հետաքրքրություն է ներկայացնում ԵԱՏՄ մյուս երկրների համար
Եվրասիական տնտեսական միության (ԵԱՏՄ) երկրների սահմաններով ապրանքների տեղափոխման վիճահարույց հարցերը վերացնելու «ճանապարհային քարտեզը» քննարկվել է․․․
Կարեւոր է բացահայտել ԵՏՄ ներուժն առողջապահության եւ կրթության ստանդարտների հասանելիության մասով. պաշտոնյա
«Միության ապագան կայանում է անդամ պետությունների զարգացմանը, համագործակցությանն ու փոխգործակցությանն ուղղված աշխատանքի մեջ...
ԵՏՀ-ում մեկնարկել է փորձագիտական ​​խորհրդակցությունների շարքը
Առաջին քննարկման թեման Եվրասիական տնտեսական միությունում ռազմավարական պլանավորման եւ երկարաժամկետ կանխատեսման հարցերն են...
Պուտինն օրենք է ստորագրել ԵՏՄ երկրներից ապրանքների պետգնումների պարտադիր նվազագույն բաժնեմասի մասին
Օրենքները կոչված են այսպիսի գնումներն ուղղորդելու դեպի առավելապես հայրենական արտադրանք…
Սերբիայում հայտարարել են, որ ԵԱՏՄ-ի հետ համաձայնագիրը մեծ հնարավորությունն է տալիս
ՌԴ կառավարությունը հուլիսի 25-ին վավերացրել է ԵԱՏՄ-ի եւ Սերբիայի միջեւ ազատ առեւտրի գոտի ստեղծելու մասին համաձայնագիրը...
Իրանի եւ ԵԱՏՄ միջեւ ապրանքաշրջանառության ծավալը կավելանա 14 տոկոսով
Արտաքին առեւտրի զարգացման հարցերով կազմակերպության հայտարարության մեջ նշվում է, որ Իրանի եւ ԵԱՏՄ երկրների միջեւ ապրանքաշրջանառությունն ավելացել է՝ չնայած միջազգային առեւտրի անկմանը կորոնավիրուսի պատճառով․․․
Ամենաշատ