News
Լրահոս
News
Ուրբաթ
Հուլիս 10
USD
486.6
EUR
551.22
RUB
6.87
ME-USD
0.02
Տեսնել լրահոսը

Մինչեւ երկու տարեկան դառնալը երեխայի խնամքի նպաստը կմեծանա մինչեւ 26 500 դրամ՝ նախկին 18 հազարի փոխարեն: Զգալիորեն կմեծանա գյուղերում բնակվող չաշխատող կանանց նպաստը: 2020 թվականին այս նպատակով ընդհանուր հատկացվել է 1 մլրդ 450 մլն դրամ: Այս մասին հունիսի 29-ին լրագրողների հետ հանդիպման ժամանակ ասաց աշխատանքի եւ սոցիալական հարցերով փոխնախարար Սմբատ Սաիյանը:

Նրա խոսքով՝ 2021 թվականին գյուղական վայրերում ծրագրի իրականացման համար հատկացվելու է արդեն 4 մլրդ դրամ, 2022-ին՝ 8 մլրդ: «Կմեծանա ոչ միայն մինչեւ երկու տարեկան դառնալը երեխայի խնամքի նպաստը, այլեւ նպաստ ստանալու իրավունք կունենան գործազուրկ կանայք, որոնք գյուղական տեղանքում հաշվառված են մեկ տարուց ոչ պակաս: Այսպիսով՝ քաղաքներում բնակվող եւ մինչեւ երեխայի 2 տարեկան դառնալը նպաստ ստացող քաղաքացիների համար նպաստի չափը կկազմի 26 500 դրամ: Նույնքան կկազմի գյուղերում բնակվող չաշխատող կանանց համար երեխայի խնամքի նպաստը, որոնք ծնվել են հուլիսի 1-ից հետո: Ստացվում է, որ այդ քաղաքացիները նպաստ կստանան կրկնակի չափով՝ 53 հազար դրամ: Պարտադիր է, որ քաղաքացին, որը երեխայի հետ գրանցված է գյուղական տեղանքում, մինչեւ երեխայի 2 տարեկան դառնալը ոչ պակաս մեկ տարի անընդհատ բնակվի այնտեղ: Այս գործոնները ստուգվելու են սոցիալական աշխատողի ինստիտուտի կողմից: Որոշումն ուժի մեջ է մտնելու 2020 թվականի հուլիսի 1-ից եւ տարածվելու է բոլոր քաղաքացիների վրա, որոնք այս պահին շահառու են համարվում»,- նշեց փոխնախարարը:

Նա հավելեց, որ նպաստի նշանակման համար ծնողի գտնվելու մասին պահանջը եւս չեղարկվել է, այսինքն, եթե ծնողը երկրում չէ, ապա նպաստ ստանալու իրավունքը չի չեղարկվում: Երեխայի ծննդյան միանվագ նպաստի տրամադրման պրոցեսը եւս հեշտացվել է: Արտասահմանում երեխայի ծնունդի գրանցման դեպքում նպաստ նշանակելու մասին դիմում այդ պետությունում այլեւս չի պահանջվում ՀՀ քաղաքացի հանդիսացող ծնողին նպաստ նշանակելու համար: «Եթե երեխայի ծննդյան նպաստ ստանալուց հետո 12 ամսվա ընթացքում ծնողը նպաստ ստանալու դիմում չի ներկայացնում, եւ միջոցները վերադարձվում են պետբյուջե, ապա այն հասանելի է լինում հաջորդ 3 տարվա ընթացքում»,- նշեց պաշտոնյան:

Սաիյանը հավելեց, որ նախորդ տարիների ցուցանիշները ցույց են տալիս, որ տարեկան 37-38 հազար ծննդաբերած կանանցից 30 տոկոսը բնակվում է գյուղերում: «Հաշվի առնելով գյուղերում ծնելիության ցուցանիշները, որոնք 20-30 տարում, ի տարբերություն Երեւանի ցուցանիշների, վատացել են, նախատեսվում է իրականացնել ծրագրեր հենց այդ շրջաններում ծնելիությունը խթանելու համար: Դրա համար նախատեսված է բնակարանով ապահովելու 3 ծրագիր. միաժամանակյա աջակցություն հիփոթեքի գումարից մինչեւ 5 տոկոս, կանխավճարի ապահովագրություն եւ կանխավճարի մի մասի մարում»,- եզրափակեց փոխնախարարը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Ժողովուրդ». Հայաստանում մսի արտադրության ծավալները նվազել են. ծրագրերը չեն փրկում ոլորտը
Նույն պատկերն է նաեւ խոզի եւ ոչխարի մսի դեպքում...
Թվաբանության հետեւում մարդկային կյանքեր են, մեր երկիրը, մշակույթը, մեր քաղաքը. Արմեն Սարգսյանը՝ գույքահարկի մասին
Հարկային օրենքները շատ զգայուն են, եւ ցանկացած հարկային օրենք պետք է բազմակողմանի քննարկվի, վերլուծվի...
Կոտայքի մարզում կարդիականացվեն խմելու և ոռոգման ջրի համակարգերը, կգազիֆիկացվեն և կլուսավորվեն մի շարք թաղամասեր
Կոտայքի մարզպետը բազմիցս նշել է, որ այս տարի մարզից աննախադեպ թվով` 104 սուբվենցիոն հայտեր են հաստատվել, որոնք ըստ ոլորտների պարբերաբար...
Դոլարի փոխարժեքը հատեց 486 դրամի սահմանը. Եվրոն թանկացել է ավելի քան 3,5 դրամով
Թանկարժեք մետաղների համար բանկի կողմից սահմանվել են հետեւյալ գները…
Մեր երեխեքը քո Արփիից, Շուշանից ավելի վա՞տն են. ռեստորանի աշխատակիցը` վարչապետին
Ռեստորաններից մեկի պատասխանատու Անահիտ Սիմոնյանն էլ բողոքեց, որ մարտի 15-ից աշխատանք չունի․․․
Ուզում ենք կոնկրետ լսել՝ երբ է վերանալու արտակարգ դրությունը․ ի՞նչ պահանջ ունեն ռեստորանային բիզնեսի աշխատողները
Կառավարությունը պիտի համակարգված պատասխան տա․․․