Չինաստանում կորոնավիրուսի դեմ պատվաստանյութը հավանություն է ստացել զինվորական օգտագործան համար, փոխանցում է Gazeta-ն՝ վկայակոչելով CanSino Biologics-ը:
COVID-19-ի դեմ վերահամակցված պատվաստանյութը մշակել են CanSino Biologics ընկերությունը, Պեկինի բիոտեխնոլոգիաների ինստիտուտը եւ Ժողովրդաազատագրական բանակի Ռազմաբժշկական գիտությունների ակադեմիան:
«Ընդհանուր կլինիկական արդյունքները ցույց են տալիս, որ Ad5-nCoV պատվաստանյութը օժտված է SARS-CoV-2 կորոնավիրուսի հարուցած հիվանդության առաջացումը կանխելու ներուժով»,- նշված է հայտարարության մեջ:
Նշվում է, որ կլինիկական փորձարկումների առաջին եւ երկրորդ փուլերը հաջողությամբ են անցել, բայց զանգվածային օգտագործման համար անհրաժեշտ է համապատասխան դեպարտամենտի թույլտվությունը:
