Կորոնավիրուսը կարող է ընթանալ ինչպես առանց ախտանիշների, այնպես էլ ախտանիշներով, հիվանդության դեպքերի 40%-ն ընթանում է թեթեւ ձեւով, եւս 40%-ը՝ թոքաբորբով: Այս մասին հայտարարել է առողջապահության նախարարի խորհրդական Նարինա Սարգսյանը:
Նա հավելել է, որ պացիենտների եւս 15%-ի մոտ թոքաբորբն ընթանում է ծանր ձեւով, եւս 5%-ի մոտ՝ ծայրահեղ ծանր ձեւով՝ սեպսիսի եւ սուր շնչառական անբավարարության արտահայտմամբ:
«Բացի այդ, խախտվում է օրգանների արյան մատակարարումը, սրտի, թոքերի, կենտրոնական նյարդային համակարգի աշխատանքը, ինչը կարող է ինսուլտի հանգեցնել»,-ասել է նա:
Նա նաեւ նշել է այդ վարակի լրջության գիտակցման կարեւորությունը: