Միավորված ազգերի կազմակերպությունը որպես պաշտոնական փաստաթուղթ տարածել է Արցախի Հանրապետության զեկույցը զինված հակամարտություններից տուժածների պաշտպանության մասին 1949 թ. Ժնեւի կոնվենցիաներին կից լրացուցիչ արձանագրությունների դրույթների կատարման վերաբերյալ։ Զեկույցը փոխանցվել է ՄԱԿ-ի գլխավոր քարտուղարին:
Արցախի ԱԳՆ մամուլի ծառայությունը նշում է, որ զեկույցը պարունակում է տեղեկատվություն՝ Արցախի Հանրապետության ազգային օրենսդրության մեջ 1949 թ. Ժնեւի 4 կոնվենցիաների եւ լրացուցիչ արձանագրությունների (1977) դրույթներն ընդգրկելու, ինչպես նաեւ տեղեկատվություն՝ զինծառայողների շրջանում միջազգային մարդասիրական իրավունքի մասին իրազեկվածության բարձրացման վերաբերյալ՝ պատերազմական իրավիճակում զինված ուժերի վարքականոնները միջազգային մարդասիրական իրավունքի սկզբունքներին համապատասխանեցնելու նպատակով:
Արցախի Հանրապետությունը միացել է վերը նշված կոնվենցիաներին եւ արձանագրություններին 1993 թվականին՝ հանրապետության օրենսդիր մարմնի՝ Գերագույն խորհրդի որոշման հիման վրա:
