News
Լրահոս
News
Երեքշաբթի
Հունիս 25
Տեսնել լրահոսը

Ինգոլշտադում կայացել է նորացված Audi Q5 քրոսովերի շնորհանդեսը: Թարմացված մոդելը կարտադրվի Մեքսիկայում՝ Սան Խոսե Չյապայի գործարանում, իսկ համաշխարհային վաճառքի մեկնարկը նախատեսված է մինչեւ 2020-ի աշուն, հայտնում է Autonews-ը:

Նախ հասանելի կլինի դիզելային շարժիչով մեքենայի միակ մոդելը, ավելի ուշ կհայտնվեն այլ տարբերակներ: Գերմանիայում Audi Q5 40 TDI-ի գները սկսվում են 48.700 եվրոյից: Առաջին հաճախորդներին հասանելի կլինի նաեւ Edition One հատուկ շարքը՝ սեւ արտաքին զարդանախշերով, սպորտային նստարաններով, 19 դյույմանոց անիվներով եւ կարմիր արգելակային հենակներով:

Audi Q5-ի վերակազմավորումը անդրադարձել է արտաքին շատ տարրերի վրա, սակայն դրանցից ոչ բոլորն են տեսանելի անզեն աչքով: Այսպիսով, օրինակ, ռադիատորի սովորական ութանկյուն ցանցը ավելի նեղ ու երկար է դարձել: Առջեւի բամպերի օդամղիչները մեծացել են եւ ստացել են այլ ձեւ, փոխվել է ցերեկային լույսերի պատկերը: Նաեւ հայտնվել է նոր դեկորատիվ զարդանախշ՝ հետեւի լույսերի միջեւ, եւ նորացված դիֆուզոր՝ բամպերի ստորին մասում, փոխվել է կողային շեմերի ձեւը:

Բացի արտաքին ձեւավորման սովորական փաթեթից, հաճախորդներին առաջարկվում են օպցիաների դիզայներական Advanced եւ S line շարքերը: Առաջին դեպքում ավտոմեքենան ստանում է քրոմապատ եւ արծաթյա արտաքին տարրեր, իսկ երկրորդում՝ քրոսովերը հագեցած է ռադիատորի ծակոտկեն կառուցվածքով ցանցով, ինչպես Audi-ի սպորտային մոդելներում է: Սրահի համար առաջարկվում են երկու նոր գույներ՝ District Green եւ Ultra Blue:

Բացի այդ, նորացված Audi Q5-ում աշխարհում առաջին անգամ օգտագործում են օրգանական լուսադիոդներ: Դրանք առանձնանում են լույսի հոսքի միատարրության բարձր մակարդակով եւ հատվածների միջեւ նվազագույն արանքներով:

Եվրոպայում վաճառքի մեկնարկի ժամանակ նորացված Audi Q5-ը հասանելի կլինի 40 TDI միակ տարբերակով` նոր դիզելային շարժիչով, որը բավարարում է վերջին էկոլոգիական Եվրո-6 ստանդարտներին: Չորս մխոցով շարժիչը զարգացնում է 204 ձիաուժ հզորություն, ինչը հնարավորություն է տալիս քրոսովերին 0-ից մինչեւ 100 կմ/ժ արագությունը հավաքել 7,6 վայրկյանում: Շարժիչի քաշը նույնպես փոխվել է՝ ալյումինե մխոցների բլոկը թեթեւացել է 20 կգ-ով, իսկ ծնկալիսեռի զանգվածը նվազել է 2,5 կիլոգրամով: Վառելիքի հայտարարված սպառումը համադրված փուլում կազմում է 5,4 լիտր՝ 100 կմ-ի համար:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Նոր սերնդի Citroen C3 Aircross-ի արժեքը գաղտնազերծվել է
Ֆրանսիայում վառելիքով աշխատող Citroen C3 Aircross-ը երկրորդ սերնդի կարելի է ձեռք բերել 19,4 հազար եվրոյով...
Աճուրդի է հանվել 1974թ. Porsche 911 մեքենան, որը պատկանել է ամերիկացի հայտնի գիտնականին
Աճուրդի է հանվել պատմական Porsche 911 մեքենան...
BMW-ն պաշտոնապես ներկայացրել է նոր սերնդի X3 մոդելները
Շարժիչի հզորությունը մեծանում է մինչև 393 ձիաուժ...
Սեփականատիրոջ ավտոտնակում 35 տարի «քնած» 1970 թվականի խորհրդանշական Lamborghini Miura P400 S-ը կհանվի աճուրդի
Ակնկալվում է, որ օգոստոսի 16-ին և 17-ին անցկավելիք աճուրդը կգրավի աշխարհի հավաքորդների համակ ուշադրությունը...
Nissan-ն՝ ի հիշատակ Datsun 240Z-ի, ստեղծել է նոր սահմանափակ քանակությամբ Z Heritage Edition մոդել
Nissan-ը չի նշել, թե քանի Z Heritage Edition կվաճառվի, սակայն մեքենան վաճառքի կհանվի այս ամառ՝ 59 հազար 135 ԱՄՆ դոլարով...
Պարզվել է, որ չինական սեդանը հինգ անգամ ավելի թանկ է, քան Maybach-ը
Գրեթե մեկ միլիոն դոլարով հաճախորդը կստանա 3730 միլիմետր անիվային բազա և 5980 միլիմետր երկարություն...
Ամենաշատ