News
Լրահոս
News
Ուրբաթ
Հունիս 14
Տեսնել լրահոսը

Գտնվելով սահմանափակման մեջ՝ այս տարի սփյուռքահայ երեխաները չեն կարող այցելել Հայաստան, սակայն անգամ այս պայմաններում հայրենիքը նրանց ավելի մոտեցնելու համար Գլխավոր հանձնակատարի գրասենյակը նոր ճանապարհներ է գտնում: Ահա այդ նպատակով՝ սփյուռքի պատանիների եւ երեխաների «Քայլ դեպի տուն» ուսումնաճանաչողական ծրագիրն այս ամառ կանցկացնի հետաքրքիր առցանց ձեւաչափով: Այս մասին տեղեկանում ենք ՀՀ Կառավարությունից։

Ծրագիրը կընթանա օգոստոսի 3-28-ը եւ կիրականացվի 2 փուլով՝ ներառելով հայոց լեզվի եւ պատմաճանաչողության դասընթացներ, վիրտուալ այցեր համայնքներ (Հայաստանում եւ սփյուռքում), ինտերակտիվ քննարկումներ, բանավեճի ակումբ, առցանց կրթական խաղեր, հանդիպումներ մշակույթի եւ արվեստի գործիչների, նախորդ տարվա մասնակիցների հետ, աշխատարաններ եւ համայնքային նախագծեր:

Հետաքրքիր եւ ակտիվ ծրագրի շնորհիվ՝ սփյուռքահայ պատանիներին եւ երիտասարդներին հնարավորություն կտրվի ծանոթանալ Հայաստանի պատմությանն ու մշակույթին, սովորել մայրենի լեզուն եւ հայաստանցի երիտասարդների հետ շփման միջոցով ճանաչել իրենց հայրենիքը: Վիրտուալ այցերով մասնակիցները կլինեն Տաթեւից մինչեւ Ամբերդ, Սաղմոսավանքից Մատենադարան ու Էրեբունի թանգարան:

!
Այս նյութը հասանելի է նաև   English
Տպել
Ամենաշատ
Ֆոտոռեպորտաժներ