Չինաստանը խաթարում է Հոնկոնգի ինքնավարությունը: Այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը՝ մեկնաբանելով Հոնկոնգի անվտանգության մասին Չինաստանի օրենքը, փոխանցում է Reuters-ը:
«Ակնհայտ է, որ Չինաստանը չի կիսում մեր արժեքները՝ ժողովրդավարությունը, ազատությունը եւ օրենքի գերակայությունը»,- ասել է Ստոլտենբերգը: «Մենք դա տեսնում ենք Հոնկոնգում, որտեղ անվտանգության մասին նոր օրենքը խաթարում է դրա ինքնավարությունը»,- ասել է նա:
Ավելի վաղ Եվրամիությունը նախազգուշացրել էր Պեկինի համար լուրջ հետեւանքների մասին օրենքի ընդունման հետ կապակցությամբ՝ առանց մանրամասները հայտնելու։