Վենետիկ մուտքի համար հատուկ վճարի սահմանումը հետաձգվել է անորոշ ժամանակով: Այն պետք է սահմանվեր հուլիսի 1-ից, հաղորդում է ՌԻԱ Նովոստին:
Այս մասին հայտարարել է քաղաքի կոմունալ խորհրդի անդամ Ջովանի Ջուստոն:
«Մուտքի վճարը հետաձգվել է: Հիշեցնենք, որ այդ «հարկը» մենք մտադիր էինք սահմանել ոչ թե նրա համար, որպեսզի համալրեինք քաղաքային գանձապետարանը, այլ նրա համար, որպեսզի խրախուսեինք քաղաքակիրթ, որակյալ տուրզմի զարգացումը: Սակայն կորոնավիրուսի տարածումը բացասական հետեւանքներ ունեցավ նաեւ տուրիզմի ոլորտի համար: Ծանր է նայել Վենետիկի դատարկ փողոցներին ու հրապարակներին, որոնք լի էին զբոսաշրջիկներով»,-ասել է Ջուստոն:
Վճարովի մուտքի մասին որոշումը ընդունվել էր 2019-ի փետրվարին: Դա տեղի իշխանությունների՝ տուրիստական մեծ հոսքը սահմանափակելու հերթական փորձն էր: