Ռուսաստանում կորոնավիրուսով վարակման հաստատված դեպքերի թիվն աճել է 6․556-ով՝ հասնելով 654․405-ի: Այս մասին լրագրողներին հայտնել են նոր վարակի տարածման դեմ պայքարի օպերատիվ շտաբում, փոխանցում է ՏԱՍՍ-ը:
Երկրում վեցերորդ օրն անընդմեջ վարակման առավելագույնը 7 հազար դեպք է գրանցվում: Երկու օր անընդմեջ հարաբերական արտահայտմամբ ամենօրյա աճը չի գերազանցում 1 տոկոսը:
Անցած օրվա ընթացքում ամենացածր աճի տեմպերը գրանցվել են Սեւաստոպոլում եւ Չուկոտկայում (0 տոկոս), Մոսկվայում (0․3 տոկոս) եւ Կալինինգրադի մարզում (0․4 տոկոս): Կոստրոմայի եւ Մոսկվայի շրջաններում, ինչպես նաեւ Հյուսիսային Օսեթիան եւ Հրեական ինքնավար մարզում դրանք 0.5 տոկոս են կազմել, նշել են շտաբում։
Մերձմոսկովյան մարզում հայտնաբերվել է վարակման 306 դեպք, 262 դեպք՝ Սանկտ Պետերբուրգում, 261 դեպք՝ Խանտի-Մանսիական ինքնավար Օկրուգում, 256 եւ 248 դեպք՝ համապատասխանաբար Սվերդլովսկի եւ Իրկուտսկի շրջաններում:
Այսպես կոչված ակտիվ դեպքերի թիվը, այսինքն՝ պացիենտների թիվը, որոնք ներկայումս շարունակում են բուժումը, նվազել է 225.879-ից մինչեւ 221.938:
Անցած օրվա ընթացքում հիվանդանոցներից դուրս գրված պացիենտների թիվը կազմել է 20281, առողջացածների ընդհանուր թիվը հասել է 422 931-ի։ Շտաբի տվյալներով՝ առողջացած հիվանդների ընդհանուր թիվը Ռուսաստանում գերազանցել է վարակման դեպքերի ընդհանուր թվի 64.6 տոկոսը։
Ռուսաստանում կորոնավիրուսից մահվան դեպքերի թիվը մեկ օրում ավելացել է 216 մարդով՝ հասնելով 9․536-ի, իսկ մեկ օր առաջվա ցուցանիշը 154 էր:
Շտաբի տվյալների համաձայն՝ մահացել է վարակվածների ընդհանուր թվի 1.46 տոկոսը: Մեկ օրվա ընթացքում Սանկտ Պետերբուրգում մահացել է 46 հիվանդ, 35-ը՝ Մոսկվայում, 24-ը՝ Մերձմոսկվայում, 17 մարդ՝ Կրասնոյարսկի երկրամասում, 8 մարդ՝ Նիժնի Նովգորոդի շրջանում, 6-ը՝ Սվերդլովսկի մարզում եւ 6 հիվանդ՝ Դաղստանում: