News
Լրահոս
News
Ուրբաթ
Օգոստոս 19
USD
405.15
EUR
407.5
RUB
6.87
Տեսնել լրահոսը

Վերջին չորս ամսվա ընթացքում կորոնավիրուսի պատճառով 35 երկրից առնվազն 186 լրագրող է մահացել: Այս տվյալները չորեքշաբթի հրապարակել է ժնեւյան Press Emblem Campaign (PEC) հասարակական կազմակերպությունը, փոխանցում է ՏԱՍՍ-ը:

Ընդգծվում է, որ «2020 թվականի մարտի 1-ից մինչեւ հունիսի 30-ն առնվազն 186 լրագրող է մահացել COVID-19 հիվանդության պատճառով»: Հունիսին գրանցվել է 59 մահվան դեպք: PEC-ն ընդգծում է, որ «թիվը, անշուշտ, մեծ է», քանի որ որոշ երկրներում համավարակի էվոլյուցիայի մասին ամբողջական տեղեկատվություն չկա, ոչ բոլոր մահացածներն են կորոնավիրուսի ախտորոշման թեստ անցել։

Տարածաշրջանների թվում առաջատար է Լատինական Ամերիկան, որտեղ, կազմակերպության տվյալներով, լրատվամիջոցների 93 աշխատակից է մահացել COVID-19-ից: Դրան հաջորդում են Ասիան (34), Եվրոպան (26), Աֆրիկան ​​(19) և Հյուսիսային Ամերիկան ​​(14), Պերուում (37): PEC-ի ցանկում այս երկրներին հաջորդոմ են Բրազիլիան (16), Մեքսիկան (14), ԱՄՆ (13), Էկվադորը (12), Պակիստանը (10), Բանգլադեշը (9), Հնդկաստանը (9), Նիգերիան (8), Միացյալ Թագավորությունը (7), Բոլիվիան (5), Ռուսաստանը (5), Նիկարագուան (4), Ֆրանսիան (4):

Կորոնավիրուսից մահվան երեքական դեպք գրանցվել է Դոմինիկյան հանրապետությունում, Իսպանիայում, Իտալիայում եւ Կամերունում։ Ցուցակը ներառում է ընդհանուր 35 պետություն։

Բացի այդ, ըստ PEC-ի, 2020 թվականի առաջին վեց ամսվա ընթացքում աշխարհում սպանվել է 33 լրագրող 18 երկրից, Մեքսիկան ճանաչվել է ամենավտանգավոր երկիրը լրատվամիջոցների աշխատողների համար:

2004-ին հիմնադրված Press Emblem Campaign-ը խորհրդատվական կարգավիճակ ունի ՄԱԿ-ին առընթեր: Նրա զեկույցների համար տեղեկատվության աղբյուրը մամուլի, ՄԱԿ-ի եւ հասարակական կազմակերպությունների հաղորդագրություններն են։

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԱՄՆ առաջին տիկինը հիվանդացել է COVID-19-ով
Նա հանգստանում էր նախագահ Ջո Բայդենի հետ Հարավային Կառոլինայում, երբ երկուշաբթի նրա մոտ ախտանիշներ են հայտնվել․․․
Օգոստոսի 8-14-ը հանրապետությունում կորոնավիրուսից մահացել է 6 մարդ
Օգոստոսի 14-ի դրությամբ՝ կատարվել է 2 236 530 պատվաստում…
Կիմ Չեն Ընի քույրը սպառնացել է ոչնչացնել Սեուլի իշխանություններին, եթե կորոնավիրուսը ներթափանցի Հյուսիսային Կորեա
Ավելի վաղ Կիմ Չեն Ընը «հանդիսավոր կերպով հայտարարել է» Հյուսիսային Կորեայում կորոնավիրուսի դեմ տարած հաղթանակի մասին․․․
Կիմ Չեն Ընի քույրը հայտնել է, որ ԿԺԴՀ առաջնորդը հիվանդացել է COVID-19-ով
Թեեւ նա ծանր հիվանդ էր, բարձր ջերմություն ուներ, բայց ոչ մի րոպե թույլ չտվեց իրեն պառկել․․․
Կիմ Չեն Ընը հայտարարել է, որ Հյուսիսային Կորեան հաղթել է կորոնավիրուսին
Կիմ Չեն Ընը հանդիսավորապես հայտարարել է կորոնավիրուսը հաղթահարելու մասին...
1849 նոր դեպք` մեկ շաբաթում. կորոնավիրուսային հիվանդությունից 2 մարդ է մահացել
Այս պահին փաստացի բուժում է ստանում 2161 (+495) մարդ, կատարվել է 3 165 287 թեստավորում…
Ֆոտոռեպորտաժներ