News
Լրահոս
News
Երեքշաբթի
Օգոստոս 09
USD
406.61
EUR
414.38
RUB
6.73
Տեսնել լրահոսը

2020թ. հունիսի 30-ին՝ ժամը 16:30-ին,  քաղաքացուց ահազանգ է ստացվել այն մասին, որ նույն օրը Երեւան քաղաքի Անդրանիկի փողոցի շենքերից մեկի մոտ լսել է կրակոցի ձայներ եւ տեսել է, որ գլխի վնասվածքով մարդ կա ընկած:

ՀՀ Քննչական կոմիտեից NEWS.am-ին հայտնում են, որ դեպքի վայրի՝ նշված շենքի  հարակից տարածքի զննությամբ հայտնաբերվել եւ վերցվել են արնանման հետքերի նմուշներ:

Դեպքի առթիվ ՀՀ քննչական կոմիտեի Երեւան քաղաքի քննչական վարչության Մալաթիա-Սեբաստիա վարչական շրջանի քննչական բաժնում հարուցվել է քրեական գործ՝  ՀՀ քրեական օրենսգրքի 258-րդ հոդվածի (խուլիգանություն) 4-րդ մասով եւ 235-րդ հոդվածի (ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը) 1-ին մասով:

Քննությամբ պարզվել է կրակոցներ արձակած անձի ինքնությունը,  ով Երեւան քաղաքի 21-ամյա բնակիչ է, որը միեւնույն ժամանակ ստացել է մարմնական վնասվածքներ:

Վերջինս ձերբակալվել է՝ ՀՀ քրեական օրենսգրքի 258-րդ հոդվածի 4-րդ մասով եւ 235-րդ հոդվածի 1-ին մասով նախատեսված արարք կատարելու կասկածանքով:

Նշանակվել են դատաբժշկական, դատաքիմիական փորձաքննություններ,   ստացվել են կրակոցի արգասիքի նմուշներ: Կատարվում են քննչական եւ դատավարական այլ գործողություններ՝ դեպքի բոլոր հանգամանքները, միջադեպին մասնակից այլ անձի (անձանց) ինքնությունը պարզելու եւ հայտնաբերելու ուղղությամբ:

Նախաքննությունը շարունակվում է:

Տպել
Կարդացեք նաև
Ամբողջը
Մոսկվայաբնակ Միրիջանյանին, որը պատերազմի ընթացքում և հետո մեծ օգնություն է ուղարկել, դատում են 301.1 հոդվածով․ Մելիքյան
Այսօր Արսենը ցուցմունք է տալու, և հավանաբար սկսելու են «դատական վիճաբանությունները․․․
Օրենքով գող Արսեն Երեւանսկուն ազատ են արձակել
Արսեն Երեւանսկին առողջական խնդիրների պատճառով ազատ է արձակվել...
Արցախի ոստիկանությունում կիբեռհանցագործության մասին գրանցվել է հերթական հաղորդումը
Արդյունքում, Գ.Ա.-ին պատճառվել է զգալի չափի գույքային վնաս․․․
Արմավիրի մարզպետարանի վարչության նախկին պետի կողմից պաշտոնեական լիազորությունները չարաշահելու գործը դատարանում է
Նախաքննությունն ավարտվել է, և քրեական գործը, մեղադրական եզրակացությամբ, ուղարկվել է դատարան․․․
Ուշիի ոլորաններում բախվել են Opel-ը եւ բեռնատարը․ կա երեք զոհ
Փրկարարները հատուկ տեխնիկայի օգնությամբ «Opel Astra» մակնիշի ավտոմեքենայից դուրս են բերել տուժած ուղևորին և 3 զոհերի դիերը․․․
Աղվան Հովսեփյանը կմնա կալանքի տակ․ պաշտպանների բողոքը մերժվեց
Աղվան Հովսեփյանի արյան մեջ գլյուկոզայի մակարդակը բարձրացել էր մինչեւ 31.6 մմոլ/լ-ի․․․
Ֆոտոռեպորտաժներ