News
Լրահոս
News
Չորեքշաբթի
Մայիս 12
USD
522.1
EUR
635.08
RUB
7.06
ME-USD
0
Տեսնել լրահոսը

Արդարադատության նախարար Ռուստամ Բադասյանն այսօր ընդունել է Հայաստանում իր առաքելությունն ավարտող Եվրոպայի խորհրդի երեւանյան գրասենյակի ղեկավար Նատալյա Վուտովային:

Նախարարը շնորհակալություն է հայտնել տիկին Վուտովային կատարած գերազանց աշխատանքի ու արդյունավետ համագործակցության համար եւ շեշտել Եվրոպայի խորհրդի աջակցության կարեւորությունը՝  Հայաստանում ընթացող բարեփոխումների համատեքստում։

Եվրոպայի խորհրդի գրասենյակի ղեկավարը եւս շնորհակալություն է հայտնել փոխգործակցության համար եւ ընդգծել, որ, լինելով իրավաբան, Արդարադատության նախարարության հետ համագործակցությունն ու իրականացրած ծրագրերն իր համար հոգեհարազատ են եղել։

Հանդիպման ընթացքում հակիրճ անդրադարձ է կատարվել համատեղ իրականացված եւ ընթացքի մեջ գտնվող մի շարք ծրագրերի արդյունքներին, որոնք վերաբերել են Քրեական եւ Քրեական դատավարության նոր օրենսգրքերի նախագծերին, պրոբացիայի ոլորտի բարեփոխումներին, կոռուպցիայի դեմ պայքարին, խոշտանգումների կանխարգելմանն ուղղված աշխատանքներին եւ այլն։

Անդրադառնալով դատական համակարգում վեթինգի իրականացման հարցին՝ ԵԽ երեւանյան գրասենյակի ղեկավարն ընդգծել է, որ Արդարադատության նախարարության կողմից Դատական օրենսգրքում կատարված փոփոխություններով ստեղծվել է անհրաժեշտ գործիքակազմը՝ այն արդյունավետ եւ եվրոպական ստանդարտներին ու արժեքների համահունչ իրականացնելու համար։

Նախարար Բադասյանը, եւս մեկ անգամ շնորհակալություն հայտնելով տիկին Վուտովային՝ ներդրած ջանքերի համար, ԵԽ-ի հետ համագործակցությունը նույն արդյունավետությամբ շարունակելու պատրաստակամություն է հայտնել։

Նատալյա Վուտովան իր հերթին Եվրոպայի խորհրդի պատրաստակամությունն է հայտնել շարունակել Հայաստանին ուղղված աջակցությունը՝ օրենքի գերակայության ամրապնդման եւ բարեփոխումների իրականացման առաքելության ճանապարհին:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ադրբեջանի ԱԳՆ-ի կոպիտ պատասխանը ԵԽ հանձնակատարին. Ավելի լավ է մտածեք Եվրոպայի հանցագործությունների մասին
Միյատովիչը գրում է, որ «անցյալի հաղթահարումը պետք է առաջնահերթություն դառնա հաշտության եւ ամուր խաղաղության ուղին ապահովելու համար»․․․
Մի՛ վերածեք մեր կառույցը հակառուսական ակումբի եւ դադարեցրե՛ք երկակի ստանդարտները. Նաիրա Զոհրաբյան
Ես չեմ ուզում հաշտվել այն Եվրոպայի հետ, որը վերածվել է քաղաքական ակումբի, որտեղ փորձում են հաշիվներ…
ԵԽԽՎ-ն Նավալնու հարցով բանաձեւ է ընդունել
Բանաձեւի օգտին քվեարկել է 105 պատգամավոր, դեմ՝ 26-ը: Եվս 11-ը ձեռնպահ է մնացել...
ԵԽԽՎ Մոնիտորինգի հանձնաժողովը հայտարարություն է ընդունել հայ գերիներին անհապաղ վերադարձնելու կոչով. Մարուքյան
Քիչ առաջ ավարտվեց ԵԽԽՎ Մոնիտորինգի հանձնաժողովի նիստը…
Չնայած Սամադ Սեյիդովի կտրուկ միջամտությանը՝ ԵԽԽՎ-ում Միքայել Մելքումյանին հաջողվել է ձայնի իրավուք ստանալ
Այդուհանդերձ Մ. Մելքումյանին հաջողվեց ստիպել բոլորին և համոզել, նրա կողմից փաստարկներ ներկայացվեցին...
Իրականությունն այլ է. և՛ ռուսները և՛ Արևմուտքը վերցրել են այն, ինչ իրենց պետք էր. Միքայել Մինասյան
Ռուսաստանին ատող Նիկոլը դարձավ Ռուսաստանի ստրուկ, Նիկոլից զզվող արևմտամետ ՀԿ-ները դարձան ռուսի ստրուկ Նիկոլին սատարողներ…
Ամենաշատ