Իտալիայում ֆինանսական ոստիկանությունն ավելի քան մեկ միլիարդ եվրո արժողությամբ 84 միլիոն հաբից ամֆետամինի ռեկորդային 14 տոննա խմբաքանակ է առգրավել: Այս մասին հաղորդվում է գերատեսչության կայքում, փոխանցում է «Լենտա»-ն։
Թմրանյութերի խմբաքանակը հայտնաբերվել է եվրոպական երկրներ թմրանյութ մատակարարող հանցավոր խմբերի գործունեության համապարփակ հետաքննության շրջանակներում: Ոստիկանությունը կարողացել է հետեւել Իտալիայի հարավում գտնվող Սալերնո նավահանգիստ ուղարկված երեք բեռնարկղերը, որոնցում թղթե ցիլինդրներ էին արդյունաբերական օգտագործման համար: Դրանք ձերբակալվել եւ ուղարկվել էին հետազոտության:
Բեռնարկղերում հայտնաբերվել էր ավելի քան 40 ցիլինդր, հայտնել էին ոստիկանությունում: Դրանց բարձրությունը մոտ երկու մետր էր, տրամագիծը՝ մոտ 140 սանտիմետր: Ներսում հայտնաբերված հաբերի վրա Ռուսաստանում արգելված «Իսլամական պետություն» (ԻՊ) ահաբեկչական կազմակերպության կողմից արտադրված «ջիհադիստական թմրանյութի» նշանն էր: Ոստիկանությունում հայտնել են, որ թմրանյութը արտադրվում է Սիրիայում, իսկ դրա վաճառքից ստացված հասույթն օգտագործվում է ահաբեկչական գործողությունները ֆինանսավորման համար: Ոստիկանությունը նաեւ տեսանյութ էր ցույց տվել, թե ինչպես են բացված ցիլինդրներից հաբեր թափվում։
Մոտ երկու շաբաթ առաջ Սալերնոյի նույն նավահանգստում ոստիկանությունը կեղծ հագուստով եւս մեկ բեռնարկղ էր հայտնաբերվել, որում 2․8 տոննա հաշիշ եւ 190 կիլոգրամ ամֆետամին (ավելի քան մեկ միլիոն հաբ) էր՝ նույն «կապտագոն» խորհրդանիշով:
