News
Լրահոս
News
Ուրբաթ
Օգոստոս 07
USD
485.18
EUR
575.37
RUB
6.62
ME-USD
0.02
Տեսնել լրահոսը

Խուան Մանուելը առագաստանավով անցել է Ատլանտյան օվկիանոսը՝ իր ընտանիքի հետ վերամիավորվելու համար, գրում է «Моя планета»-ն՝ հղում անելով The New York Times-ին:

Համավարակի սկզբում նա հեռու էր ընտանիքից` Պորտո Սանտո կղզում (Պորտուգալիա), նրա հարազատները գտնվում էին Արգենտինայում: Խուանը շատ մտահոգված էր իր տարեց հոր՝ Կառլոս Ալբերտո Բալեստերոյի առողջությամբ: Այդ պատճառով նա առագաստանավով մեկնել է իր հարազատների մոտ՝ հատելով օվկիանոսը: Մանկության տարիներին նա ծովում լողալու դասեր էր ստացել հորից, արդեն մեծ տարիքում աշխատում էր ձկնորսական նավի վրա եւ կենդանիներ ուսումնասիրող ծովային արշավախմբերում: Նավի վրա նա իր հետ վերցրել է պահածոյացված թունա, մրգեր եւ բրինձ: «Ես չէի ուզում վախկոտի պես նստել կղզում, ես պատրաստ էի ամեն ինչ անել տուն վերադառնալու համար»,- ասել է Խուանը:

Ընկերները փորձել են հետ պահել նրան վտանգավոր ուղեւորությունից: Բացի այդ, Պորտուգալիայի իշխանությունները հայտարարել են, որ ձախողման կամ չնախատեսված հանգամանքների դեպքում իրենք թույլ չեն տա Խուանին վերադառնալ երկիր: Սա հետ չի պահել տղամարդուն: «Ես գնեցի միակողմանի տոմս, եւ հետդարձի ճանապարհ չկար»,- ասել է Խուանը: Նրա հայրը ԶԼՄ-ներին ասել է, որ իր համար ամենադժվարը անորոշությունն էր, երբ չգիտեր, թե ինչ է կատարվում իր զավակի հետ: «Բայց մենք կասկած չունեինք, որ նրա մոտ ամեն ինչ կստացվի»,- ասել է Խուանի հայրը:

Լողալու ժամանակ սարսափելի տհաճ պահեր են եղել: Օրինակ՝ Կաբո-Վերդեի նավահանգիստը Խուանին թույլ չի տվել կայանել: Տղամարդը հույս է ունեցել այնտեղ կանգ առնել նավը լիցքավորելու եւ պարենային պաշարները համալրելու համար: Ուղղությունը ստիպված է եղել փոխել: Մի անգամ նա շատ ուժեղ խուճապի է մատնվել, երբ տեսել է իր հետեւից եկող նավի լույսերը: Խուանը կարծել է, որ նավը հետեւում է իրեն, եւ իր մոտ կարող են խնդիրներ ծագել: Սակայն ոչինչ տեղի չի ունեցել:

«Ես չէի վախենում, բայց անորոշությունը շատ էր: Համավարակի ժամանակ լողալը շատ տարօրինակ էր, երբ ողջ մարդկությունը եզրագծին է: Եվ ես շատ էի մտածում այն մասին, թե արդյո՞ք այս ուղեւորությունը վերջինը կլինի ինձ համար»,- ասել է Խուանը:

Իրավիճակը, երբ դեմ առ դեմ մենակ է մնացել օվկիանոսի հետ, նա այսպես է նկարագրել․ «Ես փակված էի իմ սեփական ազատության մեջ»:

Ընդհանուր առմամբ, Խուանը ճանապարհին է եղել մոտ երեք ամիս` 85 օր: Նա կանգ է առել նավահանգիստներում՝ սնունդ գնելու եւ նավակը լիցքավորելու համար: Նաեւ ճանապարհորդության ավարտին նա ընկել է փոթորկի մեջ եւ ստիպված է եղել որոշ ժամանակ կանգ առնել Բրազիլիայում: Տղամարդը խոստովանել է, որ նույնիսկ չնայած բոլոր դժվարություններին, իր մոտ ոչ մի անգամ հանձնվելու ցանկություն չի առաջացել: Ճանապարհին նա նախընտրել է ուշադրություն դարձնել բնության գեղեցկությանը եւ ռադիո լսել, ոչ թե կենտրոնանալ վատ մտքերի վրա:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Լոս Անջելեսի իշխանությունները կանջատեն ջուրն ու էլեկտրականությունը տներում, որտեղ մեծ երեկույթներ են անցկացվում
Բեւեռախույզներին կարանտինի կուղարկեն՝ պահպանելու որպես առանց կորոնավիրուսի միակ մայրցամաք Անտարկտիդայի կարգավիճակը
Ամեն տարի հետազոտությունների համար Անտարկտիդա է մեկնում մոտ 3000 գիտնական...
Թայվանում «ոչ մի տեղ» չվերթների բոլոր տոմսերը 5 րոպեում գնել են
Թռիչքի ուղեւորներին Michelin ռեստորանի ճաշատեսակներ կառաջարկվեն․․․
Գիտնականներն «իդեալական ռազմավարություն» են գտել կորոնավիրուսի դեմ պայքարի համար
Կորոնավիրուսի տարածմանն իդեալական պատասխան կլիներ Նոր Զելանդիայում թեստավորման քաղաքականության, Դանիայում դպրոցների բացման մոտեցման եւ Ուգանդայի տեղեկատվական ռազմավարության համադրությունը...
Պատվաստանյութային ազգայնականությունը վատ է, այն մեզ չի օգնի. ԱՀԿ գլխավոր քարտուղար
«Պատվաստանյութերի կամ այլ գործիքների համատեղ օգտագործումը կօգնի աշխարհին վերականգնվել...
Goldman Sachs-ը խառնաշփոթ է կանխատեսել շուկաներում COVID-ի դեմ պատվաստանյութի պատճառով
Բանկում կարծում են, որ պատվաստանյութը կարող է նպաստել եկամտի ավելի կտրուկ կորով ընկերություններին եւ վտանգի տակ դնել տեխնոլոգիական ոլորտի ընկերությունների առաջատարությունը...