News
Լրահոս
News
Հինգշաբթի
Դեկտեմբեր 09
Տեսնել լրահոսը

ԱՄՆ իշխանություններն արտահանում են սիրիական բնական ռեսուրսները՝ ձեւացնելով, որ պայքարում են ահաբեկչական սպառնալիքի դեմ: Այս մասին չորեքշաբթի հայտարարել է Իրանի նախագահ Հասան Ռոհանին Սիրիայում Աստանայի գործընթացի երաշխավորող երկրների գագաթնաժողովին, որը տեղի է ունենում վիդեոկոնֆերանսի ձեւաչափով: Նրա ելույթը հեռարձակվել է Իրանի պետական ​​հեռուստատեսության կողմից, փոխանցում է ՏԱՍՍ-ը:

«Մեծացնելով ապօրինի ռազմակայանների թիվը Եփրատից դեպի արեւելք Սիրիայի նավթային շրջաններում՝ Միացյալ Նահանգները ներծծում են երկրի բնական ռեսուրսները»,- ասել է նա: Նախագահի խոսքով՝ Միացյալ Նահանգների գործողություններն «ապացուցում են, որ  հակաահաբեկչության մասին իրենց պնդումները կեղծ են»:

Նա հավելել է, որ «ԱՄՆ օկուպանտ ուժերի անօրինական ներկայությունը Սիրիայում անկայունության գործոն է այս երկրի եւ ողջ տարածաշրջանի համար»: «Պատերազմը սկսվելուց ինը տարի անց Իրանը վստահ է, որ ճգնաժամի լուծման միակ ճանապարհը քաղաքական գործընթացն է: Ռազմական որոշման տեղ չկա»,- նշել է Ռոհանին:

Չորեքշաբթի օրը տեղի է ունեցել Ռուսաստանի, Թուրքիայի եւ Իրանի վեցերորդ գագաթնաժողովը սիրիական կարգավորման վերաբերյալ: Կորոնավիրուսի համավարակի պատճառով այն կազմակերպվել էր տեսակոնֆերանսի ձեւաչափով։

Աստանայի գործընթացի երաշխավորներ երկրերի նախագահների նախորդ հանդիպումը տեղի էր ունեցել 2019 թվականի սեպտեմբերին Անկարայում: Երեք երկրների միջեւ շփումները պահպանվում են նաեւ Նուր Սուլթանում Սիրիայի հարցով բարձր մակարդակի հանդիպումների շրջանակներում, որոնցից վերջինը տեղի է ունեցել դեկտեմբերի 10-11-ը:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Սիրիայում ԱՄՆ ԶՈւ ավտոշարասյունը հարձակման է ենթարկվել
Հարձակման հետեւանքով զգալի վնաս է հասցվել մեքենաներին․․․
Էբրահիմ Ռաիսի. Սիրիայում օտար ուժերի անօրինական ներկայությունը վտանգավոր է տարածաշրջանի կայունության համար
«ԻՊ-ն ստեղծվել է ամերիկացիների կողմից...
Ռուսաստանն սկսել է պարեկումը Սիրիայում
Ռուսաստանցի զինծառայողները Սիրիայի՝ ահաբեկիչների կողմից վտանգ ներկայացնող տարածքներում մինչ այժմ պարեկում չէին իրականացնում...
44–ՕՐՅԱ ՊԱՏԵՐԱԶՄԻ ԱՎԱՐՏԸ. ՄԱՍ 3. ՔԱՈՍ
44-օրյա պատերազմից ուղիղ մեկ տարի անց, NEWS.am-ը ներկայացնում է այդ օրերի քրոնիկոնը...
Իսրայելի ՌՕՈւ-ն հրթիռային հարված է հասցրել Դամասկոսի մերձակա շրջանին
Իսրայելական բանակը մի քանի հրթիռներով հարվածել է Զաքիա շրջանի օբյեկտներին...
Իրանը կոչ է արել վերացնել հարկադրական միջոցները Սիրիայի դեմ
«Անվերապահ օգնություն ցուցաբերել տեղահանվածներին իրենց հայրենիք վերադարձնելու եւ ահաբեկչության հետեւանքով ավերված տների վերակառուցման գործում...
Ամենաշատ