Հասարակական տրանսպորտում հակահամաճարակային կանոնների պահպանման մակարդակը կտրուկ անկում է ապրել։ Այս մասին այսօր՝ հուլիսի 1-ին, պարետատան նիստից հետո ճեպազրույցում ասաց վարչապետ Նիկոլ Փաշինյանը՝ ներկայացնելով վերջին մեկ օրում կազմված վարչական արձանագրությունները։

«Նախօրեին 2697 քաղաքացի տուգանվել է հակահամաճարակային կանոնները չպահելու համար, ընդ որում՝ 2166-ը՝ դիմակներ չկրելու համար, խոսքը հետիոտների մասին է, եւ 431 վարչական արձանագրության դեպք է արձանագրվել հասարակական տրանսպորտին առնչվող»,- նշեց վարչապետը։