News
Լրահոս
News
Շաբաթ
Օգոստոս 15
USD
484.83
EUR
571.91
RUB
6.61
ME-USD
0.01
Տեսնել լրահոսը


Վաղը կբացվի Սպիտակի բժշկական կենտրոնը 100 մահճակալով, որոնք բոլորը հագեցած են թթվածնային սնուցմամբ, առաջիկայում կմիանա Մարտունու բժշկական կենտրոնը 50 մահճակալով եւ «Մեդլայն»  բժշկական կենտրոնում շուրջ 60 մահճակալով։  Այս մասին այսօր՝ հուլիսի 1-ին, պարետատան նիստից հետո ճեպազրույցում ասաց վարչապետ Նիկոլ Փաշինյանը։

Փաշինյանը նշեց, որ Հայաստանում մասնագետներն ամբողջ ծավալով ներգրավված են կորոնավիրուսի դեմ պայքարին։

«Այսօր կորոնավիրուսի դեմ պայքարի մեթոդների մասին չկա ոչ մի նորություն, ամբողջ ինֆորմացիան բաց է։ Գիտելիքի առնվազն այն տեղեկատվությունը որ առկա է, ազատ հաղորդակցվում է, չունենք խնդիր պատկերացում կազմելու համար, թե ինչ է պետք անել արդյունքի հասնելու համար։ Մենք ունենք խնդիր կանոնները պահպանելու տեսակետից, որովհետեւ բոլոր մասնագետները խորհուրս են տալիս, որ դիմակ րենք, պահպանենք սոցիալական հեռավորություն, բայց ամեն օր ունենում ենք մինի ճգնաժամեր»,- ասաց նա։

Անդրադառնալով դիմակների կրման՝ փոփոխվող քաղաքականությունը, Փաշինյանը նշեց, որ դրա վերաբերյալ տեսակետները հնչել են ոչ թե Հայաստանի, այլ աշխարհի առողջապահության թիվ մեկ պատասխանատու կազմակերպությունից։ 

«Ի սկզբանե եղել է դիրքորոշում, որ դիմակ պետք է կրեն հիվանդները եւ նրանց խնամողները, որովհետեւ դիմակը պաշտպանում է վարակելուց։ Հետո փոխվել է որոշակի գիտելիք եւ իրավիճակ։ Կանխավարկածն այն է, որ մենք բոլորս բոլորիս պետք է վերաբերվենք որպես վարակվածի, մենք դիմակ կրում ենք ոչ այնքան սեփական, որքան դիմացինի անվտանգությունը ապահովելու համար։ Մենք ինքներս մեզ պետք է վերաբերվենք որպես վարակակրի։ Սեփական օրինակով գիտեմ դա․ առնվազն 7 օր վարակված եմ եղել կորոնավիրուսով, եւ չեմ իմացել այդ մասին։Լավ, Հայաստանում առողջապահության նախարարությունը սխալ հայտարարություն է արել։ Բա աշխարհի մնացած երկրներում ո՞վքեր են սխալ հայտարարություն արել։ 10 միլիոն դեպք կա աշխարհում, ենթադրենք՝ 20 հազար դեպքը եղել է իմ սխալի պատճառով, բա աշխարհի 10 մլն դեպքը ո՞ւմ սխալն է»,- ասաց նա։

Մյուս կողմից, ըստ վարչապետի, եթե է դիմակի սակավության հանգամանքը, որը ազդել է այդ հայտարարությունների վրա։

«Պետք էր գոնե դիմակների սպառումը զսպել, որ հիվանդանոցներում բժիշկները կարողանան դիմակ ունենալ։ Միացյալ նահանգներում առաջատար բժշկական հիմնարկությունների աշխատողները բժշկական դիմակները տարել են տուն, լվացել են, հաջորդ օրը նորից օգտագործել են»,- նշեց նա։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Կոնեկտիկուտում կալանավորը կախվել է կորոնավիրուսի դիմակի միջոցով
Դանիել Օկասիոյին հայտնաբերել էր բանտի աշխատակիցը խցում իր մահճակալին նստած վիճակում՝ վզին՝ դիմակի կտորից պատրաստված պարանով․․․
Հրաշքներ գործող տոնիկը չի փրկել Մադագասկարը կորոնավիրուսով վարակման դեպքերից
Վերջին ամսում Հնդկական օվկիանոսի կղզում հիվանդության դեպքերի թիվն ավելացել է չորս անգամ․ ավելի քան 13 000 վարակակիր եւ 162 մահվան դեպք․․․
ԱՄՆ-ը մինչեւ սեպտեմբերի 21-ը երկարաձգել է Կանադայի եւ Մեքսիկայի հետ ոչ էական ուղեւորությունների արգելքը
Նշենք, որ ԱՄՆ-ում գրանցվել է կորոնավիրուսով վարակման ավելի քան 5,2 մլն դեպք...
Դուբայի միջազգային օդանավակայանը սկսել է կորոնավիրուսի հայտնաբերման համար շների օգտագործել
AstraZeneca. COVID-19-ի դեմ պատվաստանյութի արտադրությունը կարող էր սկսվել 2021 թվականի սկզբին
Պատվաստանյութի գինը դեռ սահմանված չէ, սակայն չի գերազանցի 4 դոլարը դեղաչափի համար...
Իսպանիայում արգելել են խմել, ծխել եւ պարել