Իսրայելի կողմից Արեւմտյան ափի հատվածների անեքսիան խախտում է միջազգային իրավունքը եւ հետեւանքներ կունենա։ Այս մասին հայտարարել է Ֆրանսիայի արտգործնախարար Ժան Իվ Լե Դրիանը:
«Պաղեստինյան տարածքների անեքսիան, անկախ դրանց շրջագծից, կասկածի տակ կդնի հակամարտության լուծման չափորոշիչները»,- խորհրդարանական լսումների ժամանակ ասել է Ժան Իվ Լե Դրիանը, հայտնում է Reuters-ը:
«Անեքսիայի մասին որոշումը չի կարելի թողնել առանց հետեւանքների, եւ մենք ուսումնասիրում ենք զանազան տարբերակներ՝ ազգային մակարդակով, ինչպես նաեւ համաձայնեցնելով մեր հիմնական եվրոպական գործընկերների հետ»:
