News
Լրահոս
News
Ուրբաթ
Օգոստոս 07
USD
485.18
EUR
575.37
RUB
6.62
ME-USD
0.02
Տեսնել լրահոսը

Հակառուսական դավադրությունը բացահայտվում է: Այս մասին Facebook-ի իր էջում գրել է հրապարակախոս Վահան Իշխանյանը:

Նա, մասնավորապես, նշել է. «Վրաստանում էլ հակառուսական քաղաքականությունը նույն ձեւով սկսվեց, սկզբից նախագահ Սաակաշվին ջանջիգյար էր Պուտինի հետ, հետո սկսեցին վատանալ հարաբարություները, Սաակաշվիլին Պուտինին ասում էր լիլիպուտին, հանել տվեց ռուսական բազաները, հետո պատրերազմ, հետո կորուստներ, գաղթականներ։

Հայաստանում էլ հեղափոխությունից հետո վարչապետ Նիկոլ Փաշինյանը հայտարարեց թե երբեք այսքան լավ չեն եղել հայ֊ռուսական հարաբերությունները, հետո ռուսական ֆաշիստ Շիշկինին ապաստան տվեցին, հետո սկսեցին ասել թե խնդիրներ կան հարաբերություններում, հետո Ռուաստանի արտգործ նախարար Լավրովը դժգոհեց որ Հայաստանում գործեր են բացում ռուսական ձեռնարկությունների դեմ, հետո Փաշինյանը մերժեց Պուտինի հրավերը մասնակցել Մոսկվայում Հայրենական պատրեազմի 75 ամյակի շքերթին , հետո ռուսական ալիքները եթերազրկելու նախագիծ, եւ հիմա էլ Պուտինի գլխավոր թշնամին՝ Նավալնին հանրայինի եթերում, եւ Մոսկվայից դժգոհություն՝ հայերը ուր են հասել որ եթեր են տալիս մեկին ով հայերին անվանում է խաչիկներ։

Փաշինյանը հայտնի էր որ ռուսաֆոբ է, հենց նրա պնդումը ապրիլյան պատերզմի մասին թե իբր Ռուաստանն էր հրահրել, որ Ադրբեջանը ԵԱՏՄ մտցնի, տիպիկ ռուսֆոբիական ախտորոշում է։ Ռուսաֆոբները իռացիոնալ վերաբերմունք ունեն Ռուսաստանի նկատմամբ նրանց անընդհատ թվում է թե Կրեմլի ինչ որ գաղտնի սենյակում մի քանի հոգի օրն ի բուն աշխատում են այն բանի վրա թե ինչպես հայերին օգտագործեն թուրքերի ու ադրբեջանցիների հետ հարցեր լուծելիս, ավելի արմատականները վստահ են թե կաբինետում ծրագրել են հայերին վերացնել, իսկ Ադրբեջանն էլ հեչ էլ նպատակ չի դրել Արցախը բնաջնջել, հետո էլ ներխուժել ՀՀ֊ն բնաջնջել, շատ կիրթ ժողովուրդ է, այ մի քիչ զիջում անես, հետները քիրվա կդառնաս, մենակ թե Ռուաստանն է խառնում մեր երկու ազատատենչ ժողովուրդների հաշիվները։

Հեղափոխության ժամանակ Փաշինյանը իր ռուսաֆոբիան վարպետորեն թաքցրեց, ինչպես հոգեբուժարանի այն պացիենտը որ կոշիկը թոկից կապած հետեւից քարշ է տալիս, բժիշկը հարցնում է՝ Ժորիկ, էդ ի՞նչ է, Ժորկիը՝ յա, այ բժիշկ, չեք տեսնում կոշիկ է, բժիշկը ուրախ թփթփացնում է ուսին՝ ապրես, ահա լրիվ ապաքինվել ես, ու հենց հեռանում է, Ժորիկը ֆռում է կոշիկին աչքով տալիս՝ լավ ֆռցրինք բժշկին չէ՞, Շարիկ ջան։

Արեւմուտքի իշխող շրջանակներն էլ Ռուսաստանի շուրջ օղակը սեղմելու համար հսկայական ֆինանսներ ծախսելով մի կողմից բուծում են նորանոր ռուսաֆոբներ, մյուս կողմից եղած ռուսաֆոբների ֆոբիան սրում։ Ի վերջո նրանք հակառուսական դավադրության առաջին փուլն ավարտեցին՝ թավշյա հեղափոխության անվան տակ իշխանության եկան ռուսաֆոբները, որոնք էլ սրում են Ռուսաստանի հետ հարաբերությունները։ Բայց դե գերխնդիրը ռուսական բազաներն հանելն է, որը մի քիչ դժվար է մի երկրում ուր բնակչության մեծ մասը բարեկամաբար է տրամադրված Ռուսաստանին։

Մի անգամ արդեն անկախ Հայաստանը քաղել է հակառուս քաղաքականության պտուղները՝ երբ 1990֊ականներին ՀՀՇ-ն գալով իշխանության Գորբաչովի հետ թշնամանքը հասցրեց գագաթնակետի, Գորբաչովին նոբելյան մրցանակ տալու դեմ բողոքներ գրեցին, Հայաստանը հրաժարվեց մասնակցել Սովետական միությունը պահպանելու համամիութենական հանրաքվեին։ Իսկ Ադրբեջանը իշխանության ղեկին պահեց Մոսկվայի բարեկամ կոմունիստներին, համամիութենական հանրաքվեին մասնակցեց, եւ արդյունքում Մոսկվայի թշնամի դարձած Հայաստանը 1991֊ին ստացավ Կոլցո օպերացիան, որի պատճառով Գետաշենի ենթաշրջանը գրավեց Մոսկվայի բարեկամ մնացած Ադրբեջանը։

Հանուն ինչի՞ էր այդ ամենը, ինքնիշխանությա՞ն, բայց մի քանի ամիս անց Ադրբեջանն էլ Հայաստանն էլ հավասար անկախություն ստացան։

Նույնն էլ հիմա, հակառուսական ուժերը խաղացնում էին ազգայնական զգացումներ, թե իբր Հայաստանը Ռուսաստանի գաղութ է, պետք է ապագաղութացնել, մեր ինքնիշխանությունը, եւ այլն, փողոցներն ընկած վանկարկում էին՝ ա-զա՛տ, ան-կա՛խ Հա՛-յա՛ս-տա՛ն։ Եկան իշխանության՝ երկիրը տվեցին համաճարակի երախը, էնպես թուլացրին, ինքնիշխանությունը էնքան իջեցրին, որ երկիրը նույնիսկ Վրաստանից ու Սերբիայից է կախված, օգնություն է խնդրում բոլորից։ Այս օգնության սպասողականությունը լավ առիթ է ֆինասական խոստումներով ավելի սրել հարաբերությունները Ռուաստանի հետ։ Ի՞նչ է դուրս գալիս, ինքնիշխանություն գոռացողները դարձել են երկրի ինքնիշխանության գլխավոր սպառնալիքը։

ՀՀՇ֊ի երկրորդ սերունդը Արեւմուտքի հրահրմամբ երկիրը նոր հակամարտության է տանում Ռուսաստանի հետ, որ կարող է լուրջ կորուստներ բերել»:

Տպել
Կարդացեք նաև
Ամբողջը
Ընդդիմադիր. Թուրքիային զսպող հիմնական երաշխավորները ռուսական 102-րդ ռազմաբազան եւ ՀԱՊԿ-ն են
Ավելի քան 4000 ռուս զինծառայողներ զորավարժություններ են սկսել Հայաստանում, Ռոստովում եւ Վոլգոգրադում
Transparency International. Հայաստանում հակառուսական տրամադրություններ չկան
Ընդ որում, կենտրոնը ինչ-ինչ պատճառով տվյալներ չի նշել ԱՄՆ-ի մասով...
Lenta-ն՝ Մարգարիտա Սիմոնյանի գրառմանը Փաշինյանին արձագանքի մասին
RT հեռուստաալիքի գլխավոր խմբագիր Մարգարիտա Սիմոնյանի Facebook-յան գրառումը որոշակիորեն վիրավորել է Հայաստանի վարչապետ Նիկոլ Փաշինյանին…
ՀՀ պաշտպանության նախարարը հանդիպել է ՌԴ դեսպանի հետ
Տոնոյանը կիսվել է նաև Ադրբեջանի և Թուրքիայի կողմից տարածաշրջանում անվտանգային իրավիճակն ապակայունացնող քաղաքական և բուն...
ՌԲԿ. Նիկոլ Փաշինյանը պատասխանել է Մարգարիտա Սիմոնյանի գրառմանը
Հայ-ռուսական հարաբերությունների մասին RT-ի գլխավոր խմբագիր Մարգարիտա Սիմոնյանի գրառումը աղմուկ բարձրացրեց Հայաստանում եւ բացասական արձագանք ստացավ...