Մեքսիկայի Գուանահուատո նահանգում վերականգնողական կենտրոնում հարձակման զոհ է դարձել 24 մարդ, եւս 7 մարդ վիրավոր է, հաղորդում է Fórmula ռադիոկայանը՝ հղում անելով հասարակական անվտանգության վարչության ղեկավար Պեդրո Կորտեսին, փոխանցում է ՏԱՍՍ-ը:
Հարձակման մասնակիցները թաքնվել են դեպքի վայրից, նրանց բռնել չի հաջողվել: Հարձակման պատճառները հայտնի չեն:
Ավելի վաղ Մեքսիկայի նախագահ Անդրես Մանուել Լոպես Օբրադորը նահանգի իշխանություններից պահանջել է կարգուկանոն հաստատել դատական եւ ուժային կառույցներում՝ կապված հանցագործության դեմ պայքարի հետ: 2019-ը երկրում ամենավտանգավոր տարին է դարձել, երբ սպանվել է ավելի քան 3,5 հազար մարդ:
