News
Լրահոս
News
Ուրբաթ
Օգոստոս 07
USD
485.18
EUR
575.37
RUB
6.62
ME-USD
0.02
Տեսնել լրահոսը


ԲՀԿ առաջնորդ Գագիկ Ծառուկյանը 2017 թվականի ընտրակաշառքի գործով առերեսում է ունեցել իր դեմ ցուցմունք տված անձի հետ, վերջինս հերքել է իր տված ցուցմունքը։ Այս մասին այսօր՝ հուլիսի 2-ին, ՀՀ վերաքննիչ քրեական դատարանի դիմաց, լրագրողների հետ զրույցում ասաց ԲՀԿ առաջնորդ Գագիկ Ծառուկյանի պաշտպաններից Երեմ Սարգսյանը։

Սարգսյանը նշեց, որ փաստական տվյալներ չկան եւ չեն եղել Գագիկ Ծառուկյանին որպես մեղադրյալ ներգրավվելու համար.

«Նույն դատարանի որոշմամբ էլ շատ ուղիղ արձանագրված է, որ որեւէ փաստական տվյալ չկա, որը կվկայի գոնե, որ Ծառուկյանը որեւէ մեկին ընտրակաշառք է տվել։ Եվ եթե չկա նման փաստական տվյալ, որ ինքն արել է, ապա պետք է գա միջնորդավորված տարբերակ, որ որեւէ մեկին պետք է հանձնարարի, ինքը պետք է տեղյակ լինի, գոնե իմանա, որ նման բան է կատարվում, բայց բոլոր փաստական տվյալներով հաստատվել է, որ նույնիսկ այդ հանգամանքները չի հաստատվում։ Այն անձի ցուցմունքը, որը դատարան էր ներկայացվել որպես հիմնավոր կասկածը հաստատող, մենք պնդում էինք, որ այդ անձի հետ առերեսում կատարվեր մինչեւ կալանավորման միջնորդության քննարկումը, սակայն չկատարվեց եւ կատարվեց դրանից հետո։ Եվս մեկ անգամ հաստատվեց, որ Ծառուկյանը ընդհանրապես որեւէ մեկին չի ասել, որ այլ անձի կաշառք տա, չի իմացել դրա մասին, չի կազմակերպել, այսինքն՝ միջնորդավորված օղակը, որը դրա մասին պետք է ասեր, նույնիսկ առերեսման ժամանակ հստակ նշեց, որ Ծառուկյանն ընդամենը իրեն ասել է, որ ընտրությունների հետ կապված անհրաժեշտ ծախսերի համար դիմի կենտրոնական գրասենյակ։ Գագիկ Ծառուկյանի նկատմամբ ցուցմունք չկա։ Ենթադրական բնույթի ցուցմունքը, որը դրվել էր մեղադրանքի հիմքում, առերեսման ժամանակ դա է հերքվեց»։

Երեմ Սարգսյանը նշեց, որ քանի դեռ չկան հիմնավորումներ, չպետք է ենթադրություններ արվեն, քանի որ դա կանխավարկածի խախտում է համարվում.

«Հիմա թե գրասենյակում ինչ է տեղի ունեցել, այդ պրոցեսներն արդեն չեն կարող կապել Ծառուկյանի հետ։ Ասում են՝ Վարդենիսում ինչ-որ աձինք կաշառք են ստացել։ Բազմաթիվ քրեական գործեր են եղել նաեւ այլ տարածքներում ընտրակաշառքների, իսկ ո՞ր խմբակցության ղեկավարին են դրա համար մեղադրանք առաջադրել։ Չկա կաշառք     ՝ քանի դեռ չեք հիմնավորել, չկա անձի մասնակցություն, քանի դեռ  չեք հիմնավորել, իսկ այս ենթադրությունները ուղիղ անձի կանխավարկածի խախտում է»։

Նշենք, որ Ծառուկյանը վարակվել է կորոնավիրուսով եւ իր գործով վերաքննիչ բողոքների քննությանը ներկա չէր։

Բողոքների քննությունը հետաձգվեց, քանի որ պաշտպանների բողոքները դատարանը դեռեւս չէր ստացել։ Նիստը վերանշանակվեց հուլիսի 7-ին, ժամը 11։00-ին։

Նշենք, որ Դատախազությունը բողոքարկել է Գագիկ Ծառուկյանի նկատմամբ որպես խափանման միջոց կալանավորումը ընտրելու միջնորդությունը մերժելու մասին առաջին ատյանի դատարանի որոշումը՝ Վերաքննիչ դատարանից պահանջելով բեկանել այն եւ կալանավորել Ծառուկյանին։

Ծառուկյանի պաշտպաններն էլ մի քանի բողոք են ներկայացրել, որից մեկը վերաբերում է հիմնավոր կասկածին։ Պաշտպանական թիմը գտնում է, որ դատարանին որեւէ ապացույց չկա ներկայացված, որը կհիմնավորի, որ Ծառուկյանն առնչություն ունի այդ քրեական գործի հետ։

Մյուս բողոքն էլ վերաբերում է վարույթի օրինականությանը, որ, ըստ պաշտպանների, ի սկզբանե այդ քրեական գործը պետք է քննվեր Հատուկ քննչական ծառայությունում, այլ  ոչ թե Ազգային անվտանգության ծառայությունում։

Հիշեցնենք, որ Գագիկ Ծառուկյանին մեղադրանք է առաջադրվել ՀՀ ՔՕ 154.2 հոդվածով (ընտրողի կողմից թեկնածուներից, կուսակցություններից (կուսակցությունների դաշինքներից), հանրաքվեի քարոզչական նախաձեռնություններից կաշառք ստանալը կամ թեկնածուների, կուսակցությունների (կուսակցությունների դաշինքների), հանրաքվեի քարոզչական նախաձեռնությունների կողմից ընտրողներին կաշառք տալը կամ ընտրողի ազատ կամքի իրականացմանը խոչընդոտելը): Նա իրեն առաջարված մեղադրանքը չի ընդունում եւ այն որակում է ապօրինի։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ծառուկյանին մեղսագրվող արարքում հիմնավոր կասկածը կա. Վերաքննիչի որոշումը
Դատարանի պատճառաբանությունը կոնկրետ հանգամանքի է առնչվում, որն իրավաչափ չէ, բայց եթե մերժել են մեր բողոքները…
Իշխանությունն ակնհայտորեն ահաբեկված է Գագիկ Ծառուկյանի հեղինակությունից․ Գեւորգ Պետրոսյան
Ամբողջ ազգին սարքել է դիմակահանդեսի մասնակից, իրենք իրենց ընտանիքներով հաճույք են անում, կիլոներով սև իկրա․․․
Կոռուպցիայի կանխարգելման հանձնաժողովը Գագիկ Ծառուկյանի նկատմամբ վարույթ է հարուցել. Զբաղվել է ձեռնարկատիրությամբ
Նախատեսված անհամատեղելիության պահանջները խախտելը նրա լիազորությունների դադարեցման կամ նրան զբաղեցրած պաշտոնից ազատելու հիմք է...
Ծառուկյանից վախենալ պետք չէ, պետք է վախենալ առանց աշխատանք մնացած հազարավոր մարդկանցից. Հայտարարություն
Ես իմ քաղաքական գործունեությամբ շատ հաճախ եղել եմ խորը սոցիալական լարվածության մեջ գտնվող լայն զանգվածների եւ իշխանության միջեւ բալանսավորող, մեղմացնող կամուրջ...
Մեզ չեն լռեցնելու. սա բումերանգի էֆեկտ է ունենալու. Շաքե Իսայան
Մենք պատրաստ ենք և անգամ այդ պարագայում, երբ նրանք ստիպված կլինեն ամբողջ խմբակցության պատգամավորների նկատմամբ քրեական․․․
Ինչո՞ւ Ծառուկյանի վերաբերյալ գործը հետ ուղարկեցիք. հարց՝ դատավոր Պապոյանին
Դռնփակ դատական նիստի հետ կապված ինձ հարցեր եք ուղղում…