News
Լրահոս
News
Ուրբաթ
Օգոստոս 07
USD
485.18
EUR
575.37
RUB
6.62
ME-USD
0.02
Տեսնել լրահոսը


Երեւանի ընդհանուր իրավասության դատարանի Ավանի եւ Նոր Նորք նստավայրում` դատավոր Վահե Միսակյանի նախագահությամբ ՀՀ երրորդ նախագահ Սերժ Սարգսյանի, «Ֆլեշ» ընկերության սեփականատեր Բարսեղ Բեգլարյանի, նախկին գյուղնախարար Սերգո Կարապետյանի, գյուղատնտեսության նախկին փոխնախարար Սամվել Գալստյանի եւ նույն նախարարության Բուսաբուծության վարչության պետ Գեւորգ Հարությունյանի գործով դատական նիստին Սերժ Սարգսյանի պաշտպան Ամրամ Մակինյանը դատարանին առաջարկեց դատական նիստը հետաձգել այնքան ժամանակ, մինչեւ համավարակով պայմանավորված իրավիճակը կառավարելի դառնա։

«Երբ այս համավարակը սկսվեց, Կառավարությունը սկսեց ձեռնարկել միջոցառումներ՝ համավարակը կանխելու ուղղությամբ եւ սահմանվեցին կանոններ։ Կանոններից են՝ տարածությունը, սոցիալական հեռավորությունը, տարածքների ախտահանումը եւ այլն։ Ինչպես ցույց է տալիս այսօրվա իրողությունները՝ այս միջոցառումները արդյունավետ չեն, որովհետեւ այդ միջոցառումները չեն զսպում համավարակի տարածումը։ Առողջապահության նախարարությունը առաջարկում է տարբեր միջոցառումներ՝ զսպելու համար համավարակի տարածումը. տարբեր եղականեր առաջարկվեց։ Ոչ մեկս հստակ տեղեկություն չունի, թե ո՞ր միջոցառումներն են արդյունավետ»,- ասաց նա։

Մակինյանը նշեց, որ հասկանում է դատարանի մտահոգությունները. «Հասկանում եմ, որ դատարանը պետք է առաջանորդվի բացառապես օրենքով։ Այստեղ երկու շահ կա, մեկը արդարադատության շահն է, որը պետք է իրականացվի եւ անձանց կյանքի եւ առողջության պահպանումը։ Ես համոզված եմ, որ դատարանը բոլոր կանոններին հետեւում է, բայց համոզված չեմ, որ այդ կանոններն արդյունավետ են»։

Ամրամ Մակինյանը դատարանին առաջարկեց՝ հետաձգել դատական նիստերը. «Առաջին շահագրգռվածները մենք ենք, որ գանք դատական նիստերին ու պրոցեսն իր բնականոն հունով գնա»։

Նշենք, որ տեւական ժամանակ դատական նիստերը հետաձգվում էին՝ համավարակով պայմանավորված։

Նշենք, որ դատարան չեն ներկայացել գործով ամբաստանյալները, ինչպես նաեւ մի քանի պաշտպաններ։

Ըստ մեղադրական եզրակացության՝ Սերժ Սարգսյանի կազմակերպմամբ եւ Բարսեղ Բեգլարյանի դրդմամբ, Սամվել Գալստյանի ու Գեւորգ Հարությունյանի օժանդակությամբ, Սերգո Կարապետյանի կողմից 2013 թվականի հունվարի 25-ից փետրվարի 7-ն ընկած ժամանակահատվածում ՀՀ կառավարության պահուստային ֆոնդից վատնվել է պետական աջակցության ծրագրերի իրականացման ընթացքում իրացված 15.391.765 լիտր դիզելային վառելիքի համար հատկացված սուբսիդիայի առանձնապես խոշոր չափերով գումարը՝ 489.160.310 ՀՀ դրամը:

Սերժ Սարգսյանն իրեն առաջադրված մեղադրանքը չի ընդունում։ Նրա պաշտպան Ամրամ Մակինյանը պնդում է, որ մեղադրանքը շինծու է։ Ըստ մամուլի տեղեկությունների, մեղադրանքի հիմքում Սերգո Կարապետյանի ցուցմունքն է։ Նա եւ Սերժ Սարգսյանն առերեսվել են։

Տպել
Կարդացեք նաև
Ամբողջը
Օձուն գյուղում այրվել է մոտ 2000 հակ անասնակեր
Պարզվել է, որ հրդեհը բռնկվել է Օձուն գյուղի 5-րդ փողոցի 4-րդ փակուղուն հարակից անասնակերի համար նախատեսված…
Խոշոր հրդեհ Երևանի «Արմենիա Մոլիբդեն Փրոդաքշն» ՍՊԸ-ի պահեստային հատվածում. մեկնել է 5 մարտական հաշվարկ
Ըստ նախնական տվյալների՝ չգործող կիսակառույց շինությունում (3500 քմ) այրվում են շինարարական նյութեր…
Դանակահարություն Քասախ գյուղում․ մեկ անձ ձերբակալվել է
Ձեռնարկված անհետաձգելի միջոցառումների արդյունքում քրեական հետախույզները տեղեկություններ ստացան, որ Քասախ գյուղի վարչական տարածքում գտնվող...
Կասկածանքն իրականության հետ բացարձակ կապ չունի. Նազարյանին ձերբակալելու որոշումը պաշտպանը բողոքարկել է
Առաջադրված կասկածանքն իրականության հետ բացարձակ կապ չունի…
Վիրավորական չի լինի, եթե միջնորդենք համապարփակ հետազոտություն նշանակել Ալեն Սիմոնյանի նկատմամբ. Տիգրան Աթանեսյան
Գտնում եմ, որ վիրավորական չի լինի, եթե ես ու Դանիելյան Արթուրը միջնորդենք քննիչին կատարել ավելի խորը եւ համապարփակ հետազոտություն եւ նշանակել պ-ն Ա.Սիմոնյանի վերաբերյալ համալիր դատահոգեբուժական…
Երրորդ նախագահ Սերժ Սարգսյանի պաշտպանական թիմը՝ ՀՔԾ-ի տարածած հաղորդագրության մասին հայտարարություն է տարածել
Հասկանում ենք Ծառայության ձգտումները news-երն ավելի top ներկայացնելու առումով, սակայն կոչ ենք անում մնալ հանրությանը հստակ…