Գիտնականներն առաջին անգամ հայտնաբերել են ստորջրյա հնագիտական հուշարձաններ, որոնք պատկանել են հազարավոր տարիներ առաջ Ավստրալիայի հյուսիս-արեւմուտքում ապրող բնիկ ժողովրդին, հայտնում է Lenta- ն՝ հղում անելով PLoS ONE-ին:

Ավստրալիայի Մուրուջուգա ազգային այգու ափերի մոտ գտնվող աբորիգենների բնակավայրի մնացորդները ներառում են 260 քարե արտեֆակտներ, որոնք գտնվում են ծովի մակարդակից 2,4մ խորությամբ, Բրյուգե հրվանդանի մերձակայքում, եւ խորտակված քաղցրահամ ջրի աղբյուր՝ 14մ խորությամբ: Ավերակների տարիքը, ելնելով ծովի մակարդակի բարձրացման հետեւանքով ջրհեղեղի ժամանակից, գնահատվում է ավելի քան 7-8,5 հազար տարի:

Վերջին սառցե դարաշրջանում, որը եղել է 110-ից 10 հազար տարի առաջ, Ավստրալիայի տարածքը ավելի քան երկու միլիոն քառակուսի կիլոմետրով ավելի մեծ է եղել՝ ծովային ցածր մակարդակի պատճառով բացված առափնյա տարածքների պատճառով: Դրանք բնակեցրել են Ավստրալիա տեղափոխված մարդիկ, քանի որ այդ հողերը առանձնանում էին ջրի մեծ մատակարարմամբ, բարենպաստ միկրոկլիմայով եւ բարձր կենսաբազմազանությամբ՝ համեմատած Ավստրալիայի մյուս ավելի չոր շրջանների հետ։