ՆԱՏՕ-ն սկսել է Լեհաստանի եւ Մերձբալթյան երկրների պաշտպանության պլանի իրականացումն այն բանից հետո, երբ Թուրքիան հետ վերցրեց իր առարկությունները, հայտնում է Reuters- ը:
Լեհաստանի, Լիտվայի, Լատվիայի եւ Էստոնիայի համար պլան, որի դետալները դասակարգվել են, կազմվել է այդ երկրների խնդրանքով: Այն հաստատվել է դեկտեմբերին Լոնդոնում կայացած ՆԱՏՕ-ի գագաթնաժողովին: Սակայն Թուրքիան ՆԱՏՕ-ին թույլ չտվեց իրականացնել այդ ծրագիրը՝ պայման դնելով ահաբեկչական ճանաչել քրդական ուժերը Սիրիայի հյուսիսում։ «Թուրքերը հետ են վերցրել իրենց առարկությունները»,- հայտարարել է Ֆրանսիայի Զինված ուժերի նախարարության ներկայացուցիչը:
ՆԱՏՕ-ի դիվանագետը հայտարարել է, որ պլաններն այժմ համաձայնեցված են:
Լեհաստանի եւ Բալթյան երկրների պաշտպանական պլանը, որը հայտնի է «Արծվի պաշտպան», անվանումով, ուղիղ կապ չունի Սիրիայում Թուրքիայի ռազմավարության հետ:
«Քաղաքական որոշման կայացումը հաջողություն է ամբողջ ՆԱՏՕ-ի համար»,- լրագրողներին հայտարարել է Լիտվայի պաշտպանության նախարար Ռայմունդաս Կարոբլիսը:
