Կորոնավիրուսի շուրջ դավադրության տեսությունները խոչընդոտում են վիրուսի զսպման հարցով ջանքերին: Այս մասին հայտարարել են Ավստրալիայի առողջապահական մարմինները՝ հայտնելով Մելբուրնում վիրուսի բռնկման մասին, որտեղ 10 000 մարդ հրաժարվել է թեստավորումից:
«Ցավոք, ունենք 10 000 մարդ, ովքեր հրաժարվել են թեստավորումից: Որոշ մարդիկ կարծում են, որ կորոնավիրուսը դավադրություն է, եւ որ այն չի ազդի իրենց վրա: Ուզում եմ ասել, որ կորոնավիրուսը շատ վարակիչ վիրուս է: Այն շատ արագ կարող է վարակել ձեր ամբողջ ընտանիքին»,-ասել է առողջապահության նախարար Ջենի Միկակոսը:
Նա նշել է, որ թեստավորումը կարեւոր է վիրուսի տարածումը կանխելու համար:
Ավստրալիայում գրանցվել է վարակման 8000 եւ մահվան 100 դեպք, բնակչությունը՝ 25 մլն: