Գերմանիայի կանցլեր Անգելա Մերկելը կոչ է արել վերականգնողական հիմնադրամի մասին արագ համաձայնության հասնել, հաղորդում է AP-ը:
Այն պետք է նպաստի կորոնավիրուսի ճգնաժամից դուրս գալուն:
Նա ասել է, որ «ամեն օրը կարեւոր է»:
«Ճանապարհը խորդուբորդ է, եւ մեր նպատակին հասնելու համար պետք է բարի կամք եւ պատրաստակամություն դրսեւորենք բոլոր կողմերից փոխզիջման հասնելու համար: Իրավիճակը բացառիկ է, այդ պատճառով այն բացառիկ ջանքեր է պահանջում»,-հավելել է Մերկելը՝ հավելելով, որ միացյալ եւ ուժեղ Եվրոպայի ուղղությամբ աշխատանքը «որոշիչ քաղաքական գործիք է պոպուլիստների, հակադեմոկրատական ուժերի, ծայրահեղական շարժումների դեմ»:
