News
Լրահոս
News
Ուրբաթ
Դեկտեմբեր 03
Տեսնել լրահոսը

Ամերիկայի Միացյալ Նահանգների Անկախության տարեդարձի նախօրեին Հանրապետության նախագահ Արմեն Սարգսյանը հյուրընկալել է Հայաստանում ԱՄՆ արտակարգ եւ լիազոր դեսպան Լին Թրեյսիին:

Նախագահ Սարգսյանը պետական տոնի առթիվ շնորհավորել ու հաջողություններ է մաղթել դեսպանին եւ, ի դեմս նրա, Միացյալ Նահանգների բարեկամ ժողովրդին:

Հայաստանի նախագահն իր երախտագիտությունն է հայտնել ԱՄՆ կառավարության կողմից Հայաստանին ցուցաբերվող շարունակական օժանդակության եւ հատկապես կորոնավիրուսի համավարակով պայմանավորված այս բարդ շրջանում աջակցության համար` միաժամանակ, նշելով, որ իսկական բարեկամությունը երեւում է դժվարին ժամանակներում:

Դեսպան Թրեյսին նշել է, որ Միացյալ Նահանգները շարունակում է օգնել Հայաստանին՝ ժողովրդավարության զարգացման, կոռուպցիայի դեմ պայքարի, տարբեր ոլորտներում բարեփոխումների, ներդրողների համար գրավիչ գործարար միջավայրի ձեւավորման հարցերում:

Դեսպանի խնդրանքով Հանրապետության նախագահն անդրադարձել է Սահմանադրության փոփոխություններին եւ սահմանադրական բարեփոխումներին առնչվող գործընթացին: Այդ համատեքստում, խոսելով սահմանադրական բարեփոխումների հանձնաժողովի մասին, նախագահ Սարգսյանը կարեւորել է Հիմնական օրենքի մշակման գործընթացի շուրջ հանրային քննարկումները եւ հասարակության հնարավորինս լայն շերտերի մասնակցությունը:

Զրուցակիցները խոսել են նաեւ ներդրումների մասին: Նրանք համաձայնել են, որ ցանկացած ներդրում պետք է պաշտպանված լինի ոչ միայն օրենքով, այլեւ բարենպաստ եւ գրավիչ միջավայրի առկայությամբ՝ կարեւորելով այդ ուղղությամբ աշխատանքը եւ համատեղ ջանքերը:

ԱՄՆ դեսպանն անդրադարձել է Հայաստանի տնտեսական զարգացմանը միտված ամերիկյան ծրագրերին եւ ներդրումային հնարավորություններին:

Նախագահ Սարգսյանը նշել է, որ COVID-19-ի համավարակը եւ դրա ազդեցությունը տնտեսության վրա պահանջում են արագ արձագանք եւ ճկուն մեխանիզմներ ներդրումների խթանման համար: Այդ առումով նա կարեւոր գործիք է համարել ներդրողի արագ արձագանքման աշխատանքային խմբի ստեղծումը՝ նշելով, որ այս եւ մի շարք այլ առաջարկություններ տեղ են գտել Հանրապետության նախագահի աշխատակազմի եւ ՄԱԿ-ի Առեւտրի եւ զարգացման համաժողովի պատրաստած՝ «Ներդրումների խթանման ռազմավարությունը համաշխարհային ճգնաժամի պայմաններում եւ դրանից հետո» զեկույցում:

Ընդգծելով նորագույն տեխնոլոգիաների կարեւոր դերը Հայաստանի ապագայի համար՝ նախագահ Սարգսյանն այդ համատեքստում խոսել է մեր երկրում տեխնոլոգիաների եւ գիտության զարգացմանն ուղղված՝ ATOM նախագահական նախաձեռնության եւ դրա շրջանակում հնարավոր գործակցության մասին:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Սենատոր Էդ Մարքին պատրաստակամություն է հայտնել աշխատանքներ տանել Սենատում` նպաստելու հայ ռազմագերիների վերադարձմանը
Զրուցակիցները անդրադարձել են տարածաշրջանի անվտանգային միջավայրին և այդ համատեքստում դեսպան Մակունցը ներկայացրել է...
Սա հնարավորություն է ի ցույց դնելու գենդերային բռնության խնդիրը ժողովրդավարական համատեքստում. ԱՄՆ դեսպանություն
Այս տարի Գենդերային բռնության դեմ 16-օրյա արշավին զուգընթաց...
Աշխարհի լավագույն արտադրանքներից մի քանիսը հենց Հայաստանում են ստեղծված. ԱՄՆ դեսպան
Աշխարհի լավագույն արտադրանքներից մի քանիսը հենց Հայաստանում են ստեղծված։ Ուրախ եմ, որ նման միջոցառումներն օգնում են խթանել և լրացուցիչ…
Կիբեռհանցագործություններին վերաբերող քննարկում Ծաղկաձորում
Գենդերային բռնության դեմ պայքարի 16-օրյա ակտիվության արշավի շրջանակներում տեղի ունեցող այս նախաձեռնությունը պաշտոնապես մեկնարկել է…
ԱՄՆ դեսպանության Ամերիկյան կենտրոնը ավելի քան 5000 հայկական գիրք է ուղարկել ԱՄՆ
Այդ ծրագրով Հայաստանում ԱՄՆ դեսպանության Ամերիկյան կենտրոնը ավելի քան 5000 հայկական գիրք է ուղարկել ԱՄՆ՝ հարստացնելով Կոնգրեսի գրադարանի...
Արմեն Գրիգորյանը ԱՄՆ դեսպանի հետ քննարկել է սահմանային իրավիճակը
«ԱԽ քարտուղարը նաև նշել է, որ Հայաստանը պատրաստ է սկսել սահմանագծման և սահմանազատման գործընթացը»…
Ամենաշատ