News
Լրահոս
News
Հինգշաբթի
Օգոստոս 11
USD
405.78
EUR
415.48
RUB
6.71
Տեսնել լրահոսը

Ուրբաթ Թուրքիայի նախագահ Թայիփ Էրդողանը հերքել է մի շարք պետությունների քննադատությունը Սուրբ Սոֆիայի տաճարի կարգավիճակի մզկիթի հնարավոր փոփոխության կապակցությամբ, հայտնում է ՏԱՍՍ-ը:

«Քանի որ մենք այլ երկրներում ժամերգություններ չենք անցկացնում, այլ երկրները եւս իրավունք չունեն միջամտել մեր ժամերգություններին: Սուրբ Սոֆիայի թեմայի վերաբերյալ հնչող մեղադրանքներն ուղիղ հարձակումներ են մեր ինքնիշխան իրավունքների վրա»,- ասել է Թուրքիայի ղեկավարը Ստամբուլում ունեցած ելույթի ժամանակ, որը հեռարձակվել է NTV-ի կողմից:

Ինչպես հունիսի 5-ին հայտնել էր Hurriyet թերթը, Թուրքիայի նախագահ Թայիփ Էրդողանը իր օգնականներին հանձնարարել է համակողմանի ուսումնասիրություն անցկացնել Սուրբ Սոֆիայի կարգավիճակի փոփոխության հարցի վերաբերյալ: Արդարություն եւ զարգացում կուսակցության գլխավոր խորհրդի նիստին Էրդողանը շեշտել էր, որ համապատասխան փոփոխություններից հետո զբոսաշրջիկները կկարողանան այցելել տաճար, ինչպես դա տեղի է ունենում Ստամբուլի Սուլթանահմետի հրապարակում գտնվող Կապույտ մզկիթի դեպքում։

Հինգշաբթի՝ հուլիսի 2-ին, Թուրքիայի Պետական ​​խորհուրդը քննարկել է Սուրբ Սոֆիայի կարգավիճակի՝ թանգարանից մզկիթի հնարավոր փոփոխության հարցը: CNN Turk-ը հայտնել էր, որ Պետական ​​խորհրդի որոշումը կհրապարակվի առաջիկա 15 օրվա ընթացքում: Եթե ​​այն հաստատի տաճարի կարգավիճակի փոփոխությունը, հանրապետության իշխանությունները ստիպված կլինեն մի շարք քայլեր ձեռնարկել այն մզկիթի վերածելու համար:

Սուրբ Սոֆիայի տաճարը բյուզանդական ճարտարապետության հուշարձան է: Այն կառուցվել է 532-537 թվականներին կայսր Հուստինիանոսի հրամանով, ով որոշել էր հավերժացնել Կոստանդնապոլսի փառքը: Կայսրը ցանկանում էր, որպեսզի տաճարի նմանն  աշխարհում չլինի, եւ նույնիսկ նախատեսում էր հատակ պատել ոսկե սալիկներով։ 1453-ին Բյուզանդական կայսրության անկումից հետո տաճարը մզկիթի վերածվեց։

Անցյալ դարի 40-ական թվականներին, Թուրքիայի կառավարության որոշմամբ, որը ստորագրվել է ժամանակակից թուրքական պետության հիմնադիր Քեմալ Աթաթուրքի կողմից, տաճարը թանգարան էր դարձել, իսկ տաճարի քրիստոնեական որմնանկարների եւ խճանկարների վրայից հանվել էր դրանք թաքցնող շերտը: 1985-ին տաճարն ընդգրկվել էր ՅՈՒՆԵՍԿՕ-ի Համաշխարհային ժառանգության կազմում։

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Սաուդցին, որն օգնել է ոչ մուսուլմանին մտնել սրբազան Մեքքա քաղաք, ձերբակալվել է
Ոչ մուսուլմանին Մեքքա մտնել օգնած սաուդցին ձերբակալվել է...
Հնդկաստանի դեսպանը Մուհամեդ մարգարեին վիրավորելու սկանդալի պատճառով կանչվել է Իրանի ԱԳՆ
Իրանի ԱԳՆ-ն բողոքի նոտա է ներկայացրել Թեհրանում Հնդկաստանի դեսպանին...
Բահրեյնը, Սաուդյան Արաբիան, Հորդանանը եւ Իրաքը դատապարել են Շվեդիայում Ղուրանի այրումը
Իրաքի ԱԳՆ-ն իր հերթին կանչել է Բաղդադում Շվեդիայի գործերի ժամանակավոր հավատարմատարին եւ խստորեն զգուշացրել շվեդ դիվանագետին Ղուրանի պղծման կապակցությամբ․․․
Սաուդյան Արաբիան թույլ է տվել արտերկրից ժամանած ուխտավորներին հաջ կատարել
«Այս տարի մինչեւ մեկ միլիոն ուխտավորի՝ ինչպես թագավորությունից, այնպես էլ արտերկրից, հաջ կատարել թույլատրելու որոշումն արտացոլում է Սաուդյան Արաբիայի՝ հաջի շարունակականությանը նպաստելու շահագրգռվածությունը...
Գերմանիայի ամենամեծ մզկիթին կթույլատրվի աղոթքի կանչը բարձրախոսներով հեռարձակել
Քյոլնի բոլոր 35 մզկիթներին այսուհետ կթույլատրվի ուրբաթ օրերին կեսօրից մինչեւ 15:00-ն 5 րոպե տեւողությամբ աղոթքի կոչ հեռարձակել․․․
Ֆրանսիայի իշխանությունները 2017 թվականից փակել են իսլամիստական քարոզչության 650 կենտրոն
Ֆրանսիայի իշխանություններն ակտիվացնում են պայքարն ընդդեմ արմատական իսլամիզմի...
Ֆոտոռեպորտաժներ