News
Լրահոս
News
Հինգշաբթի
Մարտ 28
Տեսնել լրահոսը


Այսօր ընդունել եմ ՀՀ արտաքին գործերի նախարար Զոհրաբ Մնացականյանին: Այս մասին Facebook-ի իր էջում նշել է Արցախի նախագահ Արայիկ Հարությունյանը, ով նաեւ տեղադրել է հանդիպման տեսանյութը:

Նա, մասնավորապես, նշել է. «Քննարկված հարցերից առանցքայինը, բնականաբար, ադրբեջանա-արցախյան հիմնախնդրի շուրջ վերջին զարգացումներն էին: Մեկ անգամ եւս վերահաստատել եմ պաշտոնական Ստեփանակերտի դիրքորոշումը, այն է՝.

ա) միջնորդական առաքելության առումով ԵԱՀԿ Մինսկի խմբի ձեւաչափը մեզ համար շարունակում է մնալ ամենաընդունելին,

բ) բանակցային գործընթացում առանց Արցախի Հանրապետության՝ որպես լիիրավ կողմի լիարժեք մասնակցության անհնար է որեւէ առաջընթաց ունենալ եւ արդյունավետ լուծումներ գտնել:

Իսկ Ադրբեջանի ռազմաքաղաքական ղեկավարության ապակառուցողական դիրքորոշումն ու ռազմատենչ հայտարարությունների շարունակումը կողմերին միայն զրկում է խաղաղ կարգավորման գործընթացում իրական արդյունք ապահովելու հնարավորությունից»:

Զոհրաբ Մնացականյանը իր պատասխան խոսքում նախ եւս մեկ անգամ շնորհավորել է Արայիկ Հարությունյանին Արցախի նախագահի պաշտոնում ընտրվելու առթիվ, ապա նշել. «Այս ընտրությունները եւս մեկ անգամ ի ցույց դրեցին Արցախի ձգտումը կառուցելու կայուն, կայացած անկախ պետություն, որն իր ապագան կառուցում է ըստ մեր ազգային ու համամարդկային արժեքների, որոնք հիմնված են մարդու ազատությունների, ժողովրդավարական համակարգերի ամրապնդման վրա: Մրցակցային ժողովրդավարական ընտրությունները ի ցույց դրեցին լրջությունը Արցախի ժողովրդի եւ ղեկավարության՝ ամրապնդելու իրենց ապագան հենց այդ հիմքերի վրա:

Այս հանդիպումը շատ լավ առիթ է շարունակելու մեր համատեղ աշխատանքը Լեռնային Ղարաբաղի հակամարտության խաղաղ կարգավորման գործընթացի շուրջ մեր մոտեցումները, դիրքորոշումները գնահատելու, կառուցելու, շարունակելու աշխատել մեր միջազգային գործընկերների հետ, Մինսկի խմբի համանախագահության շրջանակներում: Այո, Արցախի կողմից մասնակցությունը խաղաղ բանակցային գործընթացին կարեւորագույն խնդիրներից մեկն է: Ամեն ինչից բացի, դա պրակտիկ խնդիր է, որովհետեւ հարցը վերաբերում է անմիջապես Արցախի ժողովրդին»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Մենք աջակցում ենք Ադրբեջանին՝ վերադառնալ ցանկացող էթնիկ հայերի ինտեգրումն ապահովելու հարցում. Դոքերտի
Ուժի կիրառումը համայնքների միջև լարվածությունը կարգավորելու ընդունելի միջոց չէ...
Արմեն Գրիգորյանն ընդունել է Լուի Բոնոյին. քննարկել են հայ-ամերիկյան գործընկերությանը վերաբերող մի շարք հարցեր
Զրուցակիցները մտքեր են փոխանակել հայ-ադրբեջանական հարաբերությունների կարգավորման բանակցային ընթացքի շուրջ…
Ադրբեջանի արտաքին գործերի նախարարը հանդիպել է ԵԱՀԿ գլխավոր քարտուղարի հետ. նա մեղադրել է Հայաստանին
Հայաստանը մեղադրվել է սադրիչ հայտարարությունների մեջ...
Ազատությունից զրկված կանանց վերարտադրողական իրավունքի վերաբերյալ ուսումնասիրությունները մեր երկրում շատ քիչ են․ ՄԻՊ
Բացման խոսքով են հանդես եկել ՀՀ մարդու իրավունքների պաշտպան Անահիտ…
Ոստիկանությունն իրավապահ համակարգում ամենաբարձր վստահություն վայելող կառույցն է. հրապարակվել են հարցման արդյունքները
Միջոցառմանը ներկա էին ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը, ՆԳ նախարարի…
Իլհամ Ալիևը ԵԱՀԿ գործող նախագահից պահանջել է վերացնել Մինսկի խումբը
Ասել է, թե «ղարաբաղյան հակամարտությունն արդեն կարգավորված է»․․․
Ամենաշատ