Մրգաշեն-Նոր Հաճն ավտոճանապարհին ավտոմեքենան հուլիսի 4-ին, ժամը 22։12-ին  ընկել է ձորակը. կան տուժածներ: Այս մասին տեղեկացնում են ԱԻՆ մամուլի ծառայությունից:

Դեպքի վայր է մեկնել ԱԻՆ ՓԾ Կոտայքի մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ Նոր Արտամետ-Մրգաշեն ավտոճանապարհին «Ford Transit» մակնիշի ավտոմեքենան (վարորդի ինքնությունը չի հաջողվել պարզել) դուրս է եկել ճանապարհի երթևեկելի հատվածից և կողաշրջվել. առկա է ընկնելու վտանգ:

Մինչ փրկարարների՝ կանչի վայր հասնելն ուղևոր Նարինե Ա․-ն (ծնված 1975 թ.) տեղի ուժերով դուրս է բերվել ավտոմեքենայից և հոսպիտալացվել «Արմենիա» ՀԲԿ, որտեղ բժիշկները նրա առողջական վիճակը գնահատել են ծանր:

Ավտոմեքենան ուղղելու համար պահանջվել է հատուկ տեխնիկա։ Անվտանգությունից ելնելով փրկարարները ֆիքսել են ավտոմեքենան։